[حسام حسن حبيش]

<div align="center">السلام عليكم ورحمه الله و بركاته ...
<< انا دى اول مشاركه ليا معاكو و إن شاء الله مش تكون اخر ..>> المهم انا بس كنت عاوز اقول حاجه لكل الناس اللى

عاملين يقولوا ان الجدول ده وحش ومش كويس و كل الكلام ده ,,, انا شايف ان الجدول ده كويس جداا جداا جداا و لكل

المواد .. و مش هختلف معاكم ان المواد بتاعت رياضه2 " متكربسه شويه او شويتين " بس برضه الجدول كويس و حتى لو

مكانش كويس فهو قدر و مكتوب علينا و لازم هنعديه بس المهم انه يعدى كويس و على خير ... و بعدين بصراحه الناس اللى

بيعملوا الجداول دول عليهم حمل كبير برضه لان صعب "زى ما احنا عارفين طبعا " ان 3 يتفق معاهم معاد واحد لدرس مثلا ..

فمابالكم باللى المفروض يحط جدول يناسب اللى واخدين مواد علمى و ادبى و علوم و رياضه و مواد مشتركه بين الاتنين يعنى

احنا لازم نكون عقلانيين فى تفكيرنا شويه و مش كل واحد عاوز الجدول اللى فى دماغه واللى يناسبه و خلاص .... و الناس اللى

شاغلين نفسهم بالكلام الكتير و الدعاء على الوزير و اللى حاطط الجدول ...إلخ يا ريت يشغلوا نفسهم بالمذاكرة احسن من كده ...

ولا ايه ؟؟؟

وبعدين يعنى بتوع رياضه2 دول .. اعلى طموحهم هندسه اللى تنسيقها مش عالى اوى للدرجه اللى هما عاملين عليها الهيصه

دى كلها ... امال احنا نقول ايه بقى " انا علوم كيمياء و علم نفس " بس انا و الله مش بقول الكلام ده عشان انا جدولى كويس لا

و الله انا بقول الكلام ده لان الجدول فعلا كويس .... ارجو ان الناس تقتنع بكلامى و نحكم عقلنا فى كل حاجه ....

اما جدول تانيه فهم ادرى بحالهم " مع انى شايف ان المواد فى تانيه ولا حاجه جمب تالته " و على العموم ربنا يستر علينا كلنا

و السلام عليكم و رحمه الله .
</div>