اقتباس:
|
المشاركة الأصلية كتبت بواسطة monto2015;[SIZE=5
2426658][/size] انا قدامي تلات كليات
اولا علوم
ثانيا تجاره انجلش
ثالثا هندسه خاص
بصراحه انا مش عارف اختار ايه ياريت حد يقولي انهي الافضل وليه
ثالثا بقي لو دخلت تجاره انجلش انا من المنيا والمنيا مافيهاش تجاره اساسا فا لو سمحت ممكن حد يقولي اي احسن كليه تجاره مش مهم الاقرب عندي المهم الاحسن يعني لو القاهره احسن يبقي تمام
ضروري حد يرد اليومين دول بليييز |
يا monto انت بتقارن بين تلات كليات ملهمش علاقة ببعض علوم وهندسة وتجارة انت لازم تعرف انت بتحب اية الاول لو بنحب الرياضة يبقى هندسة لو بتحب المواد العلمية يبقى علوم كدة يعنى عموما خلينى اقولك رأييى يمكن يساعدك فى اتخاذ قرارك
هندسة خاصة بتتوقف على اسم الجامعة الخاصة الى هتدخلها فى جامعات بتبقى مشهورة وليها اسم بتبقى غالية شوية لكن شهادتها محترمة ومعترف بيها فى معاهد ارخص شوية بس الحقيقة مش عارف اذا كانت الشهادة بتاعتها كويسة ولا لا بمعنى هتقدر تلاقى شغل بسهولة بعد ما تتخرج منها ولا لا
علوم كلية محترمة وكل حاجة واحنا اكيد فى بلدنا محتاجين ناس فى المجال دة لكن بصراحة ملهاش شغل كتير فى مصر احنا مش دولة بتصرف على البحث العلمى ولا مهتمة بالابتكارت ولا.... عشان كدة الى بيدخل كلية علوم لازم يكون بيحب المجال دة بجد ويقدر يبدع فية ويتفوق
تجارة انجلش دى بقى كليتى ولازم ابقى منحاز ليها شوية هى شعبة فى تجارة بتدرس نفس المواد التجارية الى بيدرسها طلبة تجارة عربى لكن من مناهج امريكية العدد فى الكلية بيبقى قليل نسبيا (زمان كان العدد قليل اوى بس دلوقتى بيزودوة مش عارف لية ) يعنى ممكن تبقو سبعين واحد فى المجموعة وطبعا الدراسة كلها بالانجليزى ( )
اتمنى اكون ساعدتك ولو حاجة بسيطة وفى النهاية انت الى لازم تعرف انهى احسن كلية بالنسبالك
__________________
انك لا تستطيع أن تشتري السعادة بكل أموال العالم لأن مملكة السعادة موجودة في فكرك ومشاعرك.
|