21-07-2010, 03:09 PM
|
|
عضو جديد
|
|
تاريخ التسجيل: Jun 2010
المشاركات: 22
معدل تقييم المستوى: 0
|
|
صعب أرجعلك
صعب أرجعلك (بقلمى)
صعب أرجعلك
زى ماكنت زمان وياك
أصلك جرحك علم فيا
علم قلبى ازاى ينساك
ياللى خيالك لو يوم عدى
جنب عيونى هأبطل نوم
ياللى مشفوتش ويا غرامك
غير كم دمعة فى بحر هموم
صعب أرجعلك
من شباك الذل أنا شفتك
راجع تشكى وتبكى حنين
وفر كل كلامك عندك
يمكن ينفع ناس تانيين
ناس ماشفوش الغدر بعينهم
ولا ضاع منهم حلم سينين
صعب أرجعلك
أنا مش هى اللى انت عارفها
انا انسانة تعبها هواك
هأقبل ان الموت يخطفنى
وادفن حبى فى قبر سواك
وأقبل اودع كل مشاعرى
واقفل قلبى الباكى وراك
ولا هأقبلشى اعودلك ثانية
زى فراشة حرقها ضياك
صعب أرجعلك
مدونتى (طفولة قلم)
|