اقتباس:
المشاركة الأصلية كتبت بواسطة hawy.php
انا كمان بسال زيك
ليه بنتعامل المعاملة دي
وبس فالحين هما في التلفزيون وفي الجرايد يتكلموا عن مدي اهمية التعليم الفني في النهوض بمصر ؟؟؟؟؟؟
انا بجد حسبنت عليهم كلهم لان مش في ايدي دلوقتي غير حسبي الله ونعم الوكيل
انا في اعدادي كنت 95% والاول علي مدرستي
و سحبت ورقي من مدرسة الطبري الثانوي العام مع اني بسبب المربع السكني كنت شريحة اولي
وقدمت في مدرسة تكنولوجيا المعلومات بسبب شغفي للحاسب الالي
والحمد لله خلصت الخمس سنين وصبرت فيهم واتعلمت فيهم واستفدت الحمد لله
الامتحانات والتصحيح وكانوا حاجة ما يعلم بيها الا ربنا
وفضلنا قاعدين مستنيين النتيجة اكننا مستنيين المعونة
والنتيجة للاسف طلعت سيئة للغاية ومعرفش ده لمصلحة مين تطلع النتيجة بالمنظر ده
وبجد اسوا حاجة موضوع النتيجة في اخر شهر 8 ،، تقريبا بيدوا نفسهم وقت يشوفوا هيرموونا فيين
انا بحمد ربنا اني كده كده مش عايز هندسة ان شاء الله ومش معتمد بشكل اساسي عالتنسيق ده واني داخل اختبار تكميلي علشان ادخل كلية حاسبات ومعلومات
بس لازم اكون ضامن حاجة معايا علشان كده انا مضطر اقدم في التنسيق برضو تحسبا لاي علقة ممكن اخدها في اختبار الحاسبات
ووالله يا اخي علشان تعرف بس انك مش لوحدك
انا في اول السنة روحت كلية حاسبات عين شمس ،، وكلمت وكيل الكلية لشئون التعليم والطلاب
عن مصير طلبة الدبلومات الفنية العام القادم بسبب سنة الفراغ
قالي بالحرف الواحد انهم مش هيقبلوا دبلومات تاني خلاص من اول السنة الجاية
بقوله ليه
بيقولي علشان دبلومات وبيشاور بايديه اكنه بيكلم طفل من اطفال الشوارع وقرفان منه
ملحقتش اكمل كلام معاه لانه كان بيجري اصلا وهو بيتكلم ومش مديني حتي وشه ولا اكني بشحت منه
بس انا مليش دعوة بكلامه انا هعمل الي عليا ولو نجحت في الاختبار التكميلي ده ان شاء الله هدخلها يعني هدخلها ان شاء الله علشان حرام اقعد خمس سنين وفي الاخر مدخلش الكلية الي نفسي فيها ،، و الحمد لله الحمد لله بقالي خمس سنين شغال مبرمج وعندي قدرات الحمد لله احسن من ناس اتخرجت من كلية حاسبات وحرام ان طلبة الثانوي العام الي معظمهم ميعرفوش حاجة عن الكلية يدخلوها واانا مدخلهااااااش
ملخص كلامي عايز اقولك انك مش لوحدك ،، بس هنعمل ايه في البلد دي
قول معايا
حسبي الله ونعم الوكيل فيهم
وان شاء الله ربنا يجيبلنا حقنا
اسف لو طولت عليك
|
للاسف يا صاحبى ماحدش عارف حجم المعاناه الى الواحد شافها على مدار الخمس سنين الى اخدناها فى المدارس دى من بهدله وقله قيمه واهتمام .... وكفايه بس نظرة الناس ليك لانك بكل بساطه حته واحد دبلوم ( وحط تحت دبلوم دى مليون خط ) مع الاسف حتى الناس بتعاملنا على اننا حثاله المجتمع وطفله الحشره - مع الاعتذار للمبى - لكن هى دى الحقيقه
انا بقى مش هقولك انى كنت متفوق فى اعدادية ولا حاجه بس كنت جايب ولله الحمد مجموع يدخلنى اتخن مدرسه ثانوى عام فيكى يا مصر
وفعلا قدمت ملفى فى مدرسه الثانويه الى جنبنا لاكن والدى سحب الملف بعدها بأسبوع بقرار مفاجىء وحولى معمارى خمس سنوات ولما اتناقشت معاه على السبب قالى يابنى الثانويه العامه دى غداره وانا خايف عليك منها
كان حلمه ان اخش كليه هندسه وانا كمان نفسى ربنا يحقللى امنيتى ويدخلنى الكليه دى وانا كل يوم بدعى ربنا وبشكره على كل حال واقسملك بالله ان فعلا كانت قمه المهزله فى الامتحانات والتصحيح واتظلمنا فى النتيجة برضو
ولاننا وبقولها للمره المليون بنتعامل على اننا مش بنى أدمين مع الاسف ملناش تظلم زى طالبي الثانوى العام
يعنى انا بدرس مادة اسمها المقاومه المادة دى لو لينا تظلم اقسملك بالله وانا واثق مليون فى الميه من كلامى لو انا عملت تظلم فى الماده دى هترفعنى مش اقل من 2 - 3 % لكن مع الاسف وبوقلها وكلى مراره اسى
يارب يارب ملناش غيرك تعبنا بجد