[أ/محمد على عاشور]

نعم انا حذفت الموضوع وقليل جدا لما باحذف موضوع
الشعر بتاعك جميل انا قلت لك فى الرسالة
بس دة مش وقته انا عايز الاعضاء يفرحوا بالتعيين وخصوصا مع توارد الاخبار الجميلة ليه نحزنهم بشعرك القاسي
ونقول ما فيش فايدة والله قصيدة الياس والاكتئاب بتاعتك مش وقتها الان
انا احب النقد ولن نحذف الموضوع وعلشين اعضاء المنتدى يحكموا القصيدة اهيه
ياحبيبتى ياملاكى
ألف مرة قلتهالك
ان احلامى معاكى
حلم تايه ..حلم هالك
....................
حلمنا الأول بمسكن
بدده سعر الحديد
أصل جايز "عز"ممكن
قلبه جامد من حديد
....................
واما كان الحلم شبكة
الدهب اسعاره طارت
قلت طيب تيجى شركة
طب ابوكى فجأة ساكت
.........................
طب حلمنا بالوظايف
حتى ناكل بس عيش
مصمص الباشا الشفايف
ثم قال :منين مفيش
.....................
طب حلمت انى اسافر
يعنى اجيب لى كام ريال
خد فلوسى ندل كافر
من بتوع المولى قال
.......................
طب حلمت انى اهاجر
امشى واتسوح بعيد
افتكرت البحر غادر
وف بحورنا الموج شديد
.....................
ياحبيبتى اعذرينى
لسه باقى حلم طايش
نفسى اصرخ وتسيبينى
حتى احس بانى عايش
.....................
قلم / هيثم عبدربه


عاوز تقول لنا من خلال القصيدة روحوا انتحروا واجننوا
الامل موجود بلاش ياس واكتئاب
اقرا الكلام بتاعك وانت احكم