السلام عليكم
رأيى المتواضع
كتاب المدرسه ليس سيئا بل ممتاز و بشده كمان
مثلا كتاب الفيزياء أو الكيمياء أو الاحياء
انا عندى التلاته فى البيت
و مناهج مختلفه - سنه 2007 و 2009
الكتب ممتازه جدا - طريقه العرض و اسلوب الشرح و التنسيق
لكن الطالب و معاه اهله عودوه انه يجيب من الاخر
يحفظله الكلمتين اللى حيرزعهم فى الامتحان
و ده طبعا غلط لازم تقرى من المراجع و تفهم و تستوعب
الكتاب ممتاز - انا مش ضد الملخصات بصفه مطلقه
لأن فيه اوقات بنحتاجها و انا عن نفسى لما كنت قدكم و مازلت حتى اخر يوم ليا فى كليه هندسه
( ادعولى انا تسليم مشروع التخرج بتاعى يوم الاحد الجاى ربنا يستر) باذاكر من الملخصات لكن فى وقت الزنقه
لما يكون بكره او بعده الامتحان و عاوز اللى يجيبلى من الاخر عشان الوقت
و احيانا انا بكون عامل ملخصات
الخلاصه يعنى الكتاب ممتاز و اللى حيقول فى حقه اى كلام يوضح و يتناقش بالعقل و المنطق
يعنى فيه ناس بتقول عقيم
وضح كلامك و مترميش كلام و خلاص
عقيم ازاى يعنى عقيم ؟؟؟؟؟
ده كتاب الفيزياء من كتر الرسومات التوضيحيه اللى فيه انا قلت لأخويا انه بقى مجله جميله جدا تقراها قبل النوم مش كتاب معقد
فيريت لو حد بيعترض يوضح الاسباب فين بالضبط
لأنه بالمناسبه اللجنه اللى بتطور الكتب المدرسيه فيه منهم ناس دكاتره من هندسه القاهره ( خاصه كتاب الفيزياءأستاذ دكتور سامح سعيد- تخصص اليكترونيات القاهره ) طبعا بالاضافه لاوائل المدرسين و دكاتره من الجامعات المتخصصه ( تربيه - علوم )
عموما بالتوفيق
|