نبدأ بأول خطوة
وهي توثيق الشهادات
شهادة ثاني وثالث ثانوي
مفيش توثيق من السفارة مباشرة ولكن عن طريق مكاتب
أفضل المكاتب هو فهد نت
سعر توثيق الشهادة من القنصلية فقط بـ 70 جنيه ( وبكده هتحتاج توثق الشهادة من الخارجية بنفسك )
وسعر توثيق الشهادة من القنصلية والخارجية معا 140 جنيه ( كده تقعد وتحط رجل على رجل في انتظار فتح باب التنسيق )
ومدة التوثيقات 3 أيام
يعني لو هاتسلم يوم السبت يبقى هاتستلم يوم الثلاثاء لأي كان القنصلية فقط او الاثنين معا
مكان المكتب
خلف دار الحكمة ( نقابة الأطباء ) وأمام نقابة أطباء الأسنان مباشرة
وللمعلومية ان دار الحكمة في شارع القصر العيني
والأماكن المشهورة القريبة منها : القصر العيني أو القصر الفرنساوي أو مجلس الشعب
محطة مترو السيدة زينب
كل دي أماكن قريبة من نقابة الأطباء تقدر لما توصل هناك تسأل عنها
ومنها ادخل الشارع اللي وراها ( وستجد المكتب )
مواعيد العمل من السبت حتى الخميس من الثامنة صباحا وحتى الخامسة عصرا