هو الحب في السن ده اعتقد انه بيبقي فعلا حد بيدور علي حب وحنان مش لاقيه في بيته
لان فعلا دلوقتي بقي في اهل كتير منفصلين او مسافرين ويبقي الضحية اولادهم
الي مش بيلاقوهم علشان ياخدوا من حنانهم بدل ما يلجئوا لحد تاني يحبهم
انا عندي 16 سنة وبشوف حكايات حب كتير في المدرسة وفي الدرس
وتيجي تشوف اخبار البنات او الشباب دول في البيت
تلاقي فعلا ان الاب والام بيكونوا منفصلين او في خلاف او سفر
فيكون الشاب او البنت في حالة اسرية غير مستقرة
فبيكون مش لاقي الي يسمعه ويحس بيه فبيلجئ للي يحبه بره ويسمعه
وحب المراهقة بيكون حب طاهر جدا وصادق
بس بيعقب علي الانسان في مستقبله العلمي
بس بيكون السبب الاساسي الاهل في البيت لان في ناس كتير مش بتمر بالمرحلة دي من الحب
لان الاهل بيكونوا موجودين وبيدوا المراهق كل الي بيحتاجوا
اسفة ان انا طولت عليكم
تقبلوا مروري
|