[مصطفى محجوب ثابت محمد]

المشاركة الأصلية كتبت بواسطة مستر محمد الشاذلي

السلام عليكم اخواني الاعزاء
الموضوع ده موضوع شائك جدا
اولا انا سعات كتيره بحس ان الوزير بياخد قرارات عنترية و في الاخر بتتطلع علي فشوش و بكده شكله في الاخر بيطلع وحش لانه بيدل علي عدم فهمه لحاجات كتيره
و اثبت فشل ذريع في حاجات كتيره زاي الامتحانات التجريبية اللي كلفت الدولة ملايين و في الاخر اتسربت و العيال جابوها و كمان كان مستوي الامتحانات التجريبه مختلف تماما علي امتحانات اخر العام و دي كانت حاجه غير فنيه بالمرة
اما بخصوص القرار الاخير فانا شايف انه تقريبا مش عارف هو بيقول ايه او تقريبا بيناقض نفسه و دي عادته
هو بيقول ان الكتب الخارجيه فيها معلومات مهمشه و غيرها طيب هو ده عيب مين مهو ده عيب في وزارتك انت اللي بتراجع علي الكتب و بتصرح بيها و كمان في لجنه الوزارة المحترمه اللي مسؤله عن اعطاء التراخيص للكتب و بلاش نقول ايه اللي بيحصل فيها من هدايا و خلافه.
طيب كتاب الوزاره لابد من الرجوع ليه ايوه فعلا لابد من الرجوع ليه و لو مكنش فيه مدرس بيرجع ليه يبقي المشكله في المدرس اللي بيستسهل مش المشكله في الكتب الخارجيه
طيب لو الوزارة راجعت الكتب الخارجيه كويس قوي و لقيته كتاب محترم بمعني الكلمه فيها ايه لو اعطته ترخيص و الكتاب اللي فيه تفاهات مش ياخد ترخيص لكن يبقي القرار علي كله ده يبقي ظلم.
و تعليقا علي رد مستر حماده في نقطه واحده
موضوع قطع الفهم انا مش مع حضرتك في موضوع قطع الفهم كلنا اعترضنا علي قطع فهم الصف الثاني في دليل التقويم و حلينا القطع السهله اللي في الويرك بوك و بعض الكتب الخارجيه و لكن للاسف جه مستوي قطع الفهم في الامتحان هي نفس مستوي قطع الفهم اللي جت في نماذج الوزارة و برضوا بعض الكتب الخارجيه الاخري جابت قطع فهم محترمه تنساب شكل الامتحان علي الرغم من وجود بعض الكتب اللي جابت قطع في مستوي طالب في 3 اعدادي
و هو ده اللي انا بقصده و هو ده دور الوزراه ليه ميكنش فيه لجنه محترمه تقيم الكتب الخارجيه علي اكمل وجه و تحط نقاط الضعف لكل كتاب و لو فيه حاجه يرجع للمؤلف و يعدل فيه لحد ميطلع بالشكل المطلوب
و شكرا لكم

كلام جميل كلام معقول ما أقدرش أقول حاجه عنه