اقتباس:
المشاركة الأصلية كتبت بواسطة مقداد
سورى يادكتور يعنى ايه دى
niow in msc of clinical microbiology
ودى كمان
chromatographic analysis courses
يعنى الكروماتو جرافى فاد حضرتك فى التحاليل
|
الكرموتوجراف انا اخدتها عشان بتفتح مجالات في المصانع خصوصا مصانع الادويه
وكورس الكرموتوجراف موجود في جامعه عين شمس
................................
اما
الميكروبيولوجيا الطبيه او الميكروبيولوجيا الاكلينيكه وهى علم الامراض البكتريه والفطريه والفيروسيه
ممكن تاخد فيها ماجستير ودكتوراه
بعد ما بتخلص تمهيدى الماجستير
بتختار المشرفين علي رسالتك
فلو عايز مثلا في الفطريات للي بتصيب الجلد زى مرض التينيا بعد ما بتخلص تمهيدى ماجستير بتاخد دكتور فطريات من كليه علوم وتاخد دكتور جلديه من كليه طب في الرساله بتاعتك وبعدها تبدا في الرساله
ولو عايز مثلا في البكتريا للي بتصيب الرئه زى السل بتاخد دكتور بكتريا من كليه علوم ودكتور صدر من كليه طب
ولو عايز مثلا في الفطريات للي بتصيب العين بتاخد دكتور فطريات من كليه علوم وتاخد دكتور عيون من كليه الطب
ولو عايز تحضر في الفطريات للي بتصيب المخ بتاخد دكتور فطريات من كليه علوم وتاخد دكتور مخ واعصاب من كليه طب
وهكذا
وبعدها تبداء في الرساله
وبعدها بتنزل المستشفيات زى مستشفيات الجامعه مثلا وتبداء تعزل الميكروب من البيشنت
وبتكون معاك كاميرة خاصه بيك عشان تصور بيها
ودى مهمه جدا لو انت شغال علي ميكرب خارجى
زى الجلد او الاظافر او العين الخ
وتبدائ تشخصيها وتكملي علي حسب رسالتك
وممكن تربط بين الميكروبيولوجيا الطبيه والتطبيقيه في رساله واحدة
بعنى بعد ما تخلصي الجزء الاول
تبدائي تعملي مضاد حيوى للفطر او البكتريا دى
..............................
وممكن تشتغل علي جزء المناعه
بردو
سواء مناعه فطريه او بكتريه او فيروسيه
ولو انت عملتى في المناعه
فيه كليات
بطلع الماجستير
اسمه ميكروبيولوجيا والمناعه
ودة بيبقي علي حسب ادارة الكليه نفسها