اقتباس:
المشاركة الأصلية كتبت بواسطة egt2007
حد يساعدنى و يقولى ادخل حاسبات او هندسة انا جايب 98.5% و بحب البرمجة جدا و شغل الكمبيوتر و اتمنى وكل ما اقول لحد انا ناوى حاسبات بيبصلى اكنى مجنون
اتمنى اللى يرد يقول السبب و الدليل مش كلام عابر |
انا من رايى انت لو بتحب البرمجة اوى ادخل حاسبات وحكاية المجموع عشان تطمن ادخل على موقع الاستاذ وابحث على حاسبات عين شمس قليل تقريبا فرق نص درجة اللى لاحق حاسبات يعنى نقدر نقول اكتر من 90% من الدفعة لاحقة هندسة
فى حاسبات الدراسة ممتعة جدا
هتدرس كل حاجة خاصة بالسوفت وير وكمان هتعرف حجات ف الهارد وير
بس السوفت وير اكتر طبعا
حكاية الشغل متقلقش منها خالص
ده مش كلامى دا كلام الدكاتره والمعيدين والناس اللى شوفتهم
واحد جارنا لسه مخلص السنة دى وجايله شغل فى المصرية للاتصالات
ليه تاخد رسم هندسى وميكانيا وورش وكلام من ده وانت مش هتحتاجه خالص
السنة بتفرق كتيير من عمرك
الفرق بينا وبين اللى بياخدوا كورسات ان لما يعملوا مثلا كود لو الكود باظ مش بيعرفوا يتصرفوا انما بتوع الحاسبات بيشمروا كدا ويدخلوا جوا الكود ويحلوا المشاكل اللى فيه دا غير ان انت بتكون فاهم كل حاجة
اهم حاجة تصلى صلاه استخارة وربنا يوفقك
ولو عاوز اى حاجة انا فى الخدمة