[follkan]

كرومبو....كرومبو.... مع المفتش كرومبو


الحلقه التالته

دكتور (كنس) زعيم العصابه اعتزل السرقه واصبح استشاري (((اتسرق)))
من يوم ما اعتزل السرقه وهوه حاسس ان حد من عصابته القديمه هيسرق منه تحويشة عمره
عشان كده كهرب باب البيت علشان محدش يفكر يقرب له لكن اللي سرقه كان عارف ده كويس وفي يوم كان برد جدا جدا حوالي الساعه تمانيه بالليل وقفت قدام العماره عنده العربية اللي بتغير لمبات الكهربه في عواميد النور , واحد نط منها واستخبى فوق السطوح طول الليل في عز البرد.
لحد ما اتاكد ان دكتور ( كنس ) نام وصوت شخيره ملا الدنيا .
نزل سرقه وطلع تاني استخبا فوق السطوح لحد ما نفس العربيه جات له الصبح وخادته ولان دكتور (كنس) كان متاكد ان حد من عصابته القديمه هوه اللي سرقه فجمعهم .
ولما سئل ( سيد حبل الغسيل ) قال : انا كنت سهران طول الليل بلعب بلاي ستاشن يا دكتور وما هوبتش ناحية البيت عندك .
ولما سئل ( دنجل ابو طفاشه ) قال : انا كنت سهران طول الليل بتفرج على فيلم رعب وقعدت خايف معرفتش انام .
ولما سئل ( حمبوزوا لاوي بوزوا ) قال: اتشووو ... انا امبارح كنت نايم .. اتشووو .. وما خرجتش خالص من البيت .. اتشوووو ...
دكتور ( كنس ) معرفش مين اللي سرق لكن اكيد هوه واحد من التلاته دول :
1ـ سيد حبل الغسيل.
2ـ دنجل ابو طفاشه.
3ـ حمبوزوا لاوي بوزوا .



أنا عرفت الحل الحل لو انتا كمان عرفته اكتبه وقول هوا مين من التلاته وطبعا مع السبب
اللى اللقاء وانتظرونا فى الحلقه القادمه
مع تحيات المفتش كرومبو