اولا شكرا لاستاذنا الفاضل لطرح الموضوع
ثانيا شكل كل الناس ذكراياتهم متعلقه بالرياضه مش عارفه ليه
ثالثا بقى و بدون ضحك
انا و انا صغيره في kg1 مكنتش بقعد في الفصل دقيقتين
علطول هربانه من الحصص
و بعدين المستر بتاع الرياضه الي كان بيعلمني الارقام في البيت ...كان هو نفسه مدرس اعدادي و لا ثانوي في المدرسه و متسألوش ازاي
الي حصل بقى
بعدين كنت مره هربانه من الحصه و طلعت فوق عند فصول ثانوي
و المستر شافني و عرفني طبعا و اداني شوكلاته على عددنا في البيت
ميعرفش اني بموووت في الشوكلاته
و بعدين للاسف مروحتش بالشوكلاته البيت اصلا ...اكلتها كلللها
و لما جه الدرس سأل اختى الي كانت في اولى ابتدائي ساعتها ...حلوه الشوكلاته ؟؟؟
قالتلوا شوكلاته ايه
انا ساعتها استخبيت تحت طربيزه الدرس و مطلعتش تاني
و الى الان بتزل بالشوكلاته الي اكلتها
اتعلمت الامانه بقى من ساعتها