[a7mad 3abdo]

لا اتفق معك في ذلك ,
طالما الكبير ما احترمش نفسه يبقي نبهدله ونمسح بكرامته الأرض .. دا غلط طبعا ,
و للأسف هذة الكلمة صارت تتردد علي مسامعي كثيرا ,
تخيل معى انك ماشي في الشارع , ولقيت واحد صغير بيتخانق مع واحد قد جده
لو انت متعرفش ايه هو سبب الخناقة , هتحكم علي الصغير دا بأيه ؟


حتي لو الكبير هو اللي غلطان , لازم نحترمه
ومش معني ان احنا نحترمه يعني يذلنا ونسكت ,
لأ طبعا ,
بس في كلام عتاب بسيط جدا , مافيهوش اي نوع من الإهانة الصريحة
ممكن يتقال في المواقف اللي زي دي ..


هحكيلك موقف حصل معايا :
مرة كنت طالع علي سلم , والدنيا كانت زحمة جداً
بالغلط والله و من غير ما اقصد , رجلي جت قدام واحد كبير وكان هيقع
بس الحمدلله لحقته قبل ما يقع
المهم .. قولتله : اسف معلش والله مكنتش اقصد
لقيته بيقول : انتوا بهايم ؟ مفيش احساس , و سمعني كلام بقي من اللي قلبك يحبه !!!
قولتله : خلاص يا حج انا اسف , بجد انا مكنتش اقصد
لقيته بيكمل كلامه .. !
قولتله : بص .. ربنا يدي كل واحد علي قد نيته ,
الراجل سكت .. وقاللي : معلش يابني اصل انا قد والدك , وعندي الضغط , ...
قولتله : حصل خير , وانا بتأسف لحضرتك مرة تانيه

كلمة عتاب خفيفة ,
مش لازم نعلي صوتنا , ولا نتطاول علي بعض بالأيدي
دا حتي من تعاليم الإسلام ..
مقابلة الإساءة بالإحسان .. " ادفع بالتي هي احسن , فاذا الذي بينك وبينه عداوة كأنه ولي حميم "
و من كان يؤمن بالله واليوم الاخر فليقل خيرا او ليصمت .
سواء الإساءة دي جت من واحد اكبر او اصغر مني ,
الموضوع مش مستاهل خناق ..
لو ليك حق هتاخده , وتأكد ان ربنا مش هيظلمك ...

موضوع جميل , شكرا لكِ