[امجد7007]

المشاركة الأصلية كتبت بواسطة جارةالوادى

ياجماعة احنا مش فى محل للمناوشات والتحدى وبكرة افكرك وبعدها نشوف ايه الطريقة الغريبة دى ؟؟؟؟ اللى مش عايز يطلع الوقفة ميجيش يخليه فى مكانه زى ماهو والحكومة هتثبته وتزود له المرتب 200% واحتمال تجوزه وتجيب له عربية وفيلا وشاليه فى مارينا كمان ولاتزعلو حقكم علينا ايه يااساتذة هو احنا قلنا هنحارب ؟ دى مجرد وقفة سلمية قدام الوزارة او المحافظة رافعين شوية لافتات بنطالب فيها بحقنا الطبيعى فى المساواة بينا وبين زمايلنا فى نفس المجال هنعرف بس الاعلام وسيادة الوزير اللى مش بيجيب سيرتنا اصلا ومهموم بالثانوية العامة واللجان ومحاربة الفساد والمتابعة بنقوله احنا برضو تبع الوزارة الميمونة احنا معلمي مصر وزهرة شبابها اللى مش عارفين نستقر نفسيا ولااجتماعيا بسبب عدم تثبيتنا فى شغلنا اللى معندناش غيره
من الاخر ياجماعة اللى شايف انه له حق يجى معانا نطالب سوا بيه وباذن الله هناخده عشان أخدنا بالاسباب وبنتعاون على الحق وقبل ده كله توكلنا على الله هو سبحانه وتعالى نعم المولى ونعم النصير
واللى مش عايز يجى معلش يعنى فى كلامى انت حر وبجد مش فارق معانا احنا وقفتنا اللى باذن هتفرق معاك وترجع لك حقك اللى انت مستغنى عنه وبتحبطنا عشان مناخدوش
بلاش اللى مش معانا يبقى علينا بلاش يحبطنا ويثبط همتنا ويهدم فى عزيمتنا اقول لكم حاجة كويسة ادعو لنا وادعو لنفسكم ان ربنا يعينا وينصرنا ويكون معانا

كــــــلام ولا ارووووووووووع