[أمة الله (يارب)]

المشاركة الأصلية كتبت بواسطة sympathique

النهاردة سمك فيليه بالموز

محدش يستغرب لو ميعرفش النوع ده او مكلش سمك بالموز

الوجبة دى اللى جت ليا فى اول امتحان عملى فى الكلية والحمدللله عملتها

طب يلااااا نشوف اتعملت ازاى

المقادير

1ك سمك فيليه (حسب الرغبة ) / 2/1 ك موز / عدد 4 بيضات / بقسماط للبانيه / دقيق/ ملح / فلفل / وتوابل / مستردة لو امكن

الطريقة

الاول يتم كسر البيض فى اناء ويتم اضافة المسترة والتوابل له

بعد كده نخش على السمك هنجيب قطعة السمك ويتم تتبيلها بالملح والفلفل ثم توضع فى الدقيق

ثم فى البيض ثم فى البقسمااااااط

ثم تقلى فى الزيت

ثانيا ندخل على الموز

ومحدش يستغرب هنعمل اموز بانيه وهنقليه فى الزيت كمان ( طعم روووووووووووعة)

هنجيب صابع الموز ونقشره طبعا وبعد كده سيتم قطعه طوليا الى نصفين

بس اوعوا تتبلوا الموز ناخد الموز ونحطه فى الدقيق ثم البيض ثم البقسماط

وبعد كده ينقلى فى الزيت قلى خفيف

نيجى بقى لرص الطبق ( اهم حاجة عندنا فى الكلية رص الطبق بناخد درجاااات عليها )

هنجيب الطبق ويتم وضع قطعة سمك الفيليه فى المنتصف وبعدين نجيب صابع الموز المقطوع طوليا والمقلى فى الزيت

ونضعه حول قطعة السمك خلى بالك هيدى شكل قلب جواااااه قطعة السمك

وممكن نرش شوية بقدونس مفروم كده على قطعة السمك

والله ياجماعة انا عملت الطبق ده فى الكلية الاول فى الامتحان وبعدين عملته فى البيت وعجبهم اوى

وكان طعمه روعه وخصوصا الموز البانيه وجربوا ومش هتندموا

بس امانة عليكم تقولولى رايكم ايه فى الموز البانيه بعد اذنكم

وبالهنا والشفا


ورمضان كريم

مع احترامى لمجهودك الرائع والجميل بس ايه لزمتة ده ماناكل الموز لوحده والسمك لوحدة والله انا والدتى بتجيب السمك وتنضفه وتغسلة وتبله وبتحطه فى الدقيق وتقليه


ووالدى بيجيب الموز على طول بنقشره وهمهمهم ناكلة
اوعى تزعل منى وشكراااااااااااااااااااا على مجهودك