السلام عليكم عاملين إيه يا أحلى أعضاء ومشرفى وإدارى أحلى منتدى فى الدنيا
يارب تكونوا بخير
مش عارفه ممكن تكونو فهمتم حاجه من عنوان الموضوع ولا لأ 
أمرنا لله 
كتير مننا ( إن مكنش كلنا ) بيسمع الكلام ده 
إحلق
أنجز بالونجز
صباح الجاز
قشطه يا معلم
خليك فى كوزك لما نعوزك
أملئ التنك
يا عم نفض
حطيت إيدى على البلف
أدعك الفانوس
أحنا عيال قادرة وكفأة .. ودكتوراة فى الحداقة
... إلخ
عدد من الجمل والكلمات لاحصر لها ولا عدد 
من أين جاءت ؟!
وأين هى الأن ؟!
وإلى متى ؟!
حد فكر فى الأسئله دى قبل كده ؟ 
ممكن تكون اللغه دى هى لغة المستقبل كما هو الحال فى الحاضر ! ! 
طب ليه يا ترى معظم الشباب بيستخدموا اللغه دى دلوقتى 
أو بمعنى أصح
ليه اللغه دى أصبحت اللغه الرسميه للجامعات والمدارس بين الشباب
واللى مبيكلمش بيها يبقى كرافته ( خنيق يعنى )
فيه ناس شايفه إنها مجرد موضه وهتروح لحالها
تفتكروا ؟؟؟؟؟
وفيه شباب شايفين ان دى اللغه اللى بتعبر عنهم دلوقتى
لغه مفرفشه ومختصره
( وجهة نظر برضه )
على العكس من ذلك
فيه ناس شايفه انها لغه مستحدثه لغه تحتاج الى لغه اخرى 
وهل من المطمأن أن تنتقل هذه اللغه من وسط الشباب الأن
إلى وسط الكبار ؟ 
أم أن الكبار هم من أجبروا على إستخدام هذه اللغه للتواصل مع الشباب ؟
وياترى اللغه دى مقتبسه من الأفلام والإعلام الأن ؟
أم إن الإعلام هو من تأثر بها ؟
ياترى
إنتم مع اللغه دى أم ضدها ؟
الموضوع مفتوح للمناقشه 
ومتعشمه فى وجه الله خير يعنى إنى أسمع أرائكم وردودكم 