[اجاثا ديجورى]

انا بصراحه مش عارفه ليه ده كله انا شايفه انها قرارات كويسه جدا
اولا :الصف الثالث الابتدائى شهاده كان موضوع لازم يتلغى من مده ليه شهاده ايه المرحله الى بيخلصها
ثانيا:الامتحانات فعلا الناس دايما بتشتكى ارج ان الطلبه تجتمع و تقول عايزه العام الدراسى يبقى ازاى الراجل عايز مده اكبر للتصحيح علشان الضغط على المصححين علشان التظلمات و كمان علشان الحر ثم ان موضوع الامتحانات فى شهر الى كانت ايام يسرى الجمل فعلا كان شئ غبى و بيشجع على الكسل الطالب يقعد طول السنه بيلعبو لما ينزل الجدول يذاكر لا المذاكره تبقى من اول يوم و لو ذاكرت كويس فعلا حتقدر تراجع الماده فى يوم لاننا بنراجع مش بنذاكر انا طالعه تالته اعدادى و مدرسه لغات حيضمولنا فى ثلاث ايام الانجلش و الفرنش و الدين و فى اسبوع حنمتحن بقيه المواد مفيش مشكله و كمان علشان منمتحنش فى الحر الحر فى المدارس غير المجهزه حيخلى الامتحان كارثه و الطلبه مش حتعرف تركز
ثالثا:التقويم الشامل احب اقول ان الخبر ده الكل رحب بيه و الكل بيدعى لاحب زكى بدر الدفعه بتاعتنا بيبطبق عليها التقويم الشامل من اولى اعدادى و احنا كنا فعلا قلقانين علشان بعض المدرسين ممكن يستغلوه رغم ان نسبه المستغلين الى حيدونا مدرس و لا اتنين بس الرسم السنه الى فاتت عمل كوارث بسبب مدرسه عاوزه تدينا دروس مسقتناش اه بس بالنسبه لطلبه يهمها الاوائل طبعا كانت كارثه لكن متصورناش انه حيخليه نجاح و سقوط بس انما مش حيدخل فى المجموع فعلا ده حيفرق معانا جدا و النجاح فى التقويم الشامل مفيش اسهل منه شد حيلك فى الامتحان كمان مش لازم درجه عاليه اوى و ذاكر كويس يوميا و اعمل نشاط مفيش مدرس على وجه الارض يقدر يسقطك مش ينقصك لو عايز درس انما يسقطك ده المستحيل بعينه لانها بتبقى كده مكشوفه اوى
فاتمنى ان الناس تفكر قبل ما تنتقد الوزير لاى سبب كده