اقتباس:
المشاركة الأصلية كتبت بواسطة golden eagle
ما فيش ملايكة
كل شخص بيغلط
لكن الفرق ف اللي بيعتذر
إبراهيم حسن قبل كدا قال علي صبري سراج " بيهلفط "
و قال علي جدو " عفش " ( دا إسمه سب علني و ممكن يترفع ضده قضية ع فكرة زي قصة مورتا و شوبير )
عارف
كل دا سهل فلتات اللسان دي
لكن أنا قريت خبر ممكن تدور عليه عن عضو مجلس إدارة سابق ف الزمالك قال إن جدو ما أخدش ولا مليم
قام إبراهيم حسن قال أنا مشيتك علشان مش بتحلل لقمة عيشك
رد إنت عليا
إبراهيم حسن اللي كان موقوف لغاية كام يوم يمشي عضو مجلس إدارة إزاي ؟؟؟
مع كل إحترامي ليه لكن هو أصلا ً فاشل ف مهماته اللي هيا ترتيب اللقاءات الودية ( إتنصب عليه قبل كدا ف ماتش كسبه الزمالك 11 صفر) و تجهيز التأشيرات و كل حاجة للمعسكرات الخارجيه ( إتلغي معسكر ف دولة عربية قبل كدا علشان تأشيرات لاعبين ما طلعتش )
يبقي يشوف شغله أولي ما يتكلم و يسيب الكلام للي بيعرف يتكلم سواء حسام حسن أو عبد الحليم علي
قصة الإعلام بقي
ما تصدقش قوي فكرة الإضطهاد و كل الناس ضد الزمالك
دا شعور بيتصدرلك و خطر لما تشوف فرقتك تمام التمام و كل حاجة زي الفل بس الحكم وحش
حاجة زي ماتش مصر و الجزائر ف السودان
ما لعبناش ببصله بس قعدنا نقول دول ضربوا و عملوا ....... و نسينا المستوي القليل اللي ظهرنا بيه
لو في أي حد ف الإعلام ثابت علي موقفه كان ساند جدو زي ما ساند الحضري قبل كدا ( علي الرغم من إختلاف ظروف الرحيل ) و كنا سمعنا البقين بتوع مصر يا ميدو و المنتخب و كدا ظهروا
مش جدو دا اللي جاب كأس افريقيا ؟؟؟
و هو هداف افريقيا ؟؟؟
إيه هي المشاكل اللي ف الأهلي الإعلام بيكتم عليها ؟؟؟
الإعلام أصلا ً بيختلق مشاكل للأهلي زي قصة سيد معوض ف ماتش الإسماعيلي و قصة بركات و عدم مشاركته قالك منشطات قال و إينو اللي قال زعلان و عايز يمشي و من قبله شبيطة و الخناقات اللي بين البدري و أحمد حسن
أخيرا ً قصة الردود كل واحد يرد ف المكان اللي هو عايزة طالما مش هايسئ لحد
و من حقك ترد ف قسم الأهلي طالما ما تعرضتش بالسباب لشخص ولا لنادي و كان إنتقادك دا لأفعال ...... يبقي تشرف
|
انا اتكلمت باحترام كتير والاسلوب بتاعك فى الكلام مش كويس
يا رب ارحمنى 100 مره قولت انت مش من حقك انت او اى اهلاوى غيرك انه يخش القسم ده (ناس غريبه بتدخل فى حاجات غريبه بس معلش ابراهيم حسن بيوجع اكتر من كده)
ثانيا لازم عشان تدخل فى اى مناقشه مع ناس بتفهم انك تكون على الاقل عندك معلومات)
وبرضه للاسف الاله الاعلاميه الكبيره فى مصر عرفت تسيطر عليكوا يمين يمين وشمال شمال
وكل حاجه بقيتوا تصدقوها
انا ممكن ادخل القسم بتاعكم واعمل فيه حاجات كتيره جدا بس انا مش متطفل او معنديش دم
حسين عبد المنعم ده ادارى الفريق والزمالك شاف انه ميصلحش فى المهمه فمشاه وهو اول ما مشى حب ينتقم من الزمالك (بزمتك انت مصدق موضوع جدو ده) وازاى يعنى ابراهيم حسن مدير الكوره هيمشى عضو مجلس اداره
على حسب كلامك وانت كده اثبت لى ان جمهور الاهلى معظمهم ملهمش فيها
وبرضه انت ملكش دعوه ولو انت بتصدق جريده اليوم الساقع فدى حاجه ترجعلك
ماتشات الزمالك الوديه دى وجهه نظر جهاز فنى محترم والكلام اللى انت بتقوله ده انت نفسك مش مقتنع بيه يعنى ايه اتنصب علينا فى ماتش ودى يعنى الجهاز كان متفق يلاعب فرقه الانتاج الحربى مثلا وفجأه لاقينا فريق تانى ايه الكلام العجيب ده واحنا براحتنا نعمل ماتشات وديه مع اى فريق يعجبنا وملكش فيه والحمد لله هو شايف شغله كويس ومش انت اللى هتعرفه شغله
وانا الحمد لله ربنا رازقنى بدماغ غاليه اوى اعرف فين الصح وفين الغلط وظلم الزمالك ده انا شفته بعينى واحنا مبنطلبش غير حقنا وبس يعنى ايه لاعب يتوقف 8 ماتشات عشان نزل الكارت من ايد الحكم واقصى عقوبه لوقف لاعب هى من3 الى 4 ماتشات
طب واللى عمله احمد حسن النهارده ميستحقش يتوقف عليه
حكم الرايه لماتش الزمالك واتحاد الشرطه بيشتغل فى شركه لهادى خشبه
ماتش الاهلى وانبى وانت عارف ايه اللى حصل كويس
ضرب وائل جمعه لحكم ماتش الاهلى والمحله اللى خسرتوه واللى مخدش عليه اى عقوبه وحاجات تانيه كتير متخلنيش افتح القديم والجديد
ولما الزمالك مبيكونش بيلعب كويس احنا كجماهير فاهمين كوره بنعرف مين اللى بيقصر انما لمل بيقع علينا ظلم مبنقولش غير حسبنا الله ونعم الوكيل
وازاى يكون عندك لاعب فى الفريق وانت مش عارف اسمه
هو انتم كده خدوهم بالصوت
ملحوظه اخيره: عارف لواحنا واثقين انه تطبق سياسه العدل فى كل حاجه بدايه من اتحاد الكوره والاعلام والحكام وكل المنظومه الرياضيه نبقى مطمنين حتى لو مخدناش اى بطوله لاننا مش هنلوم الا نفسنا
دوله الظلم ساعه ودوله الحق الى قيام الساعه
وبكره ربنا يظهر الحق ويكشف كل حاجه