[حميد بدوى]

ازاى اقابل ربنا
وانا كلى ذنوب
ازاى اقابل ربنا
وانا حتى مش قادر اتوب
ازاى اقابل ربنا
وانا على امرى مغلوب

امبارح مشيت فى جنازة
شاب من سنى
ويمكن كمان اصغر منى
طول السكة بقول
يارب ارحمة وارحمنى
وقلبى بيتنفض مرعوب
وحاسس انى انا اللى القبر بينادينى
وبيقولى تعالى دة كل شىء مكتوب


زمان كنت ببكى لما اعمل ذنب
دلوقتى بعدد الدقايق والثوانى ذنوب
يارب قوينى يامقوى القلوب
وابعد عنى الشيطان وخلينى اتوب
وانصرنى على نفسى وطهر قلبى
من المعاصى والذنوب
وارضى عنى و أسترنى
وارحمنى واقبلنى
وخفف عنى وأبعد همى
يارب ياعالم بالقلوب


الشاعر
عبد الحميد بدوى