[ندى بالنعناع]

يا جماعه هو موقع التنسيق فتح ولا لا
انا كل ما اجي اسجل دخول البيانات الاساسيه تطلعلي الرساله دي
Your login attempt was not successful. Please try again.

بص يا سيدي .. عن طريق خبرتي اللي اكتسبتها من امبارح بس وانا بسجل لنفسي :P اقدر اقولك التالي عشان المشكلة دي متظرهش تاني ..

انت طبعا ماشي مع الموقع صح لازم اول حاجة .. تمشي تبع الخطوات لأن فيه أولا وبعدين ثانيا وبعدين ثالثا ..

لما تنجز الخطوة ( أولا ) اللي موجودة في الموقع هيطلعلك في الاخر كده رقم سري .. وكود الدخول للموقع دول اكتبهم في ورقة وادخل على الخطوة ثانيا علطول ..

هيطلعلك المستطيلين اللي فوق بعض دول واحد اسمو رقم الجلوس والتاني الرقم السري ..

هتحط الارقام اللي انت كتبتهم في الورقة من اولا في الخطوة ثانيا .. كود الدخول للموقع هو نفسو رقم الجلوس .. والرقم السري طبعا هو اللي انت جايبو من الخطوة أولا ..

بعد كده هتدوس login هيقوم محولك على صفحة تانية كده تملا فيها بياناتك الاساسية ولما تخلصها انتقل على الخطوة ثالثا .. واملا التمانية واربعين رغبة زي مانت عاوز وكمل بقى عادي ..

ملحوظة يا جماعة .. هتيجي على صفحات معينة كده هيطلب منكو مثلا تدخلو درجات المواد وكده في الصفحة .. صفحة ادخال الدرجات دي بعد ما تملوها لازم تنطبع .. وبعد ما تملا رغبات الكليات بردة في الاخر خالص اااااااااااااخر خطوة مفيش بعدها خطوات دي بردة لازم تنطبع عشان فيها ايصال كده ده مهم جدا انك تطبعو وتاخد الورق اللي انت طبعتو ده كلو وانت بتقدم الملف في مكتب التنسيق تاني ...

وأي استفسار في التقديم الالكتروني او الورقة الزهرية دي انا في الخدمة عشان انا الحمد الله خلصت كل الحاجات دي ومستنية اقدم الملف هناك وورقة الترشيح بقى بعد عمر طويل ان شاء الله

وكل سنة وانتو طيبين بمناسبة شهر رمضان . . وفي نهاية البرنامج احب اصبح على ماما وبابا وتوتي وميمي واهديلهم اغنية القطة المشمشية حلوة بس شقية