[جارةالوادى]

والله كلامك معقول فعلا الموضوع عايز شوية تخطيط وانا ناديتكم كتير تحطو معايا اقتراحاتكم وبعد كدة نقدر نتواصل شكل معين عشان فعلا يبقى لها معنى وتبقى منظمة ومنضحكش حد علينا وحد اصلا يعبرنا ويبقى لها مردود ايجابى حتى لو ردو علينا وقالو مفيش تثبيت لاقدر الله يبقى عرفنا راسنا من رجلينا ونتصرف عالاساس ده اللى عايز يسافر واللى عاوزة تتجوز وتنقل حتة تانية واللى ممكن يرضى بالامر الواقع اوحتى نرفع عليهم قضية ونستنى حبال المحاكم الدايبة فى كام سنة مش يسيبونا كدة عايمين من غير مواعيد ولااى اشارة حتى ولاتصريح هى دى النظرية ياجماعة اننا نرسى على بر يعنى ده بالقليل قوى وبعدين مش اعتصام مفتوح احنا هنعمل وقفة سلمية ونرفع شعاراتنا ونكلم الاعلام ونبعت بيان للوزير متهيألى دى حاجة محترمة جدا مش هنثير مشاعر حد ولاالامن محتاج يتدخل ولااى حاجة بس لو فيه تصريح من الامن بالوقفة قبلها يبقى تمام قوى
ياجماعة بجد لسة فيه ناس كتير مكسلة ومش مهتمة وبتقول هيحصل ايه يعنى وفيه ناس خايفة على نفسها من الصيام والحر مع اننا شغلنا كله بهدلة وفى ظروف زى دى واكتر معظمنا بيسفر لانه فى مداس بعيدة وفيه ناس فى مناطق نائية وريفية عادى يعنى متعودين على البهدلة ايه الجديد بس المرة دى عشان حاجة تخصنا بجد وتخص مستقبلنا ولسة فيه ناس بتشك فى مصداقية الوقفة ومدى جديتها لانها مش منظمة لسة والوقت بيعدى واحنا مش مستعدين كويس ومش مخططين اهدافنا بالظبط منها ولامنظمين حاجات مهمة زى المواصلات ومين اللى هيجيب الشعارات واللافتات عشان محدش يعتمد على حد ومنعملش حاجة فكرو ارجوكم وقولو اقتراحاتكم مافضلش غير 5 ايام بس