[بروف انس]

المشاركة الأصلية كتبت بواسطة محمد(o)

السلام عليكم ورحمه الله وبركاته
لو سمحتوا انا عايز اعرف الفرق بين

المعهد العالى للهندسه الخاص وبين كليه الهندسه الخاصه(معهد..كليه)الاتنين بكالوريوس هندسه مش كدا طيب ايه الفرق بئه

لو واحد مجبش مجموع ودخل واحد منهم وجاب تقديرات عاليه
هيلاقى شغل عادى ولا بتوع الخاص مفيش شغل ليهم
انا قلقان جدا من الموضوع دا
كمان عايز اعرف مواد اعدادى هندسه بعد اذنكم هى رياضه وفيزيا وكيميا زى الى اخدناهم قبل كدا
ومن ناحيه مجال الشغل
حضراتكم تفتكروا
ايهم افضل
مدنى .ولا معمارى ولا كهربا
من ناحيه فرص العمل
معلش انا عايز اعرف كل حاجه ضرورى محتار اوى
منتظر ارائكم(معلش مش سؤال واخد دول اسئله)

من الاخر اللي قدرت اكون عنه فكره ان في حاجه اسمها معاهد هندسه خاصه دي بتكون قائمه بذاتها يعني مش تابعه لاي جامعه خالص وبتكون فقط خاضعه لاشراف مباشر من وزاره التربيه والتعليم العالي اذا كان معترف بيها اما الكليات الهندسه الخاصه دي بتكون تابعه لجامعه خاصه ذي الجامعه الالمانيه تمام يا عمونا
بالنسبه للشغل دي حاجه علي حسب سوق العمل وكورساتك وتمكنك من المعرفه اللي اكتسبتها في الكليه ثانيا بالنسبه اذا كنت خاص او عام هتلاقي شغل بس علي فكره لازم لوكنت خاص يكون الكليه او المعهد اللي انت فيه معترف بيه من وزاره التربيه والتعليم العالي ماشي ياعمونا

مواد اعدادي هندسه ايوا هي رياضه وفيزيا وكميا بس بتكون مختلفه شويه بس لكن الاساسيات ثابته متقلقش من الحكايه غير انكم هتتوسعوا شويه في الرياضه امال اسمها هندسه ليه

من ناحيه مجال الشغل كله بيشتغل ياعم علشان احنا مطلوبين وكل الاقسام بتشغل واحسن حاجه تكون داخل القسم اللي انت مستريح له علشان تقدر تستحمله وتكون علي اد المسئوليه فيه وانك تكون واثق انك هتحقق نفسك فيه

المشاركة الأصلية كتبت بواسطة محمد(o)

وهل العباره دى صحيحه
المهندس المعماري يرسم و يمكنه التنفيذ ... المهندس المدني ينفذ و لا يمكنه الرسم ...

فعلا المهندس المعماري بيرسم والمهندس المدني بينفذ بس برده المهندس المدني مشغلته التنفيذ فقط لا دا عنده هو كمان رسم وحسابات لمواد البناء وحاجات تبع التربه


ارجو ان اكون افدتك