[جارةالوادى]

لاء طبعا مكنتش هذاكر شوية واشد حيلى واطلع على صيدلة واريح دماغى هههههههههههههه عموما هى كانت املى طول عمرى انى اكون مدرسة عربى لانى بحب النحو جداوبعدين اشتغلت مدرسة ابتدائى ضاع الحلم يعنى بس بحاول اعوض بقى واكون ليااهداف تانية عشان ربنا يكرمنا كدة ونحلل القرشين ويبارك لنا فيهم وبعدين بقيت مسئولية كبيرة وشفت فيها حاجات كتير مفيدة زى انى لازم احاول انى ابقى قدوة سلوكا وخلقا حتى الكلمات التى تخرج من فمى زى ان ده ممكن يكون صدقة جارية ليا بعد مااموت وانى طبعا بعمل حاجة تنفع الناس ربنا سبحانه وتعالى بيقول (فأما الزبد فيذهب جفاء واما ماينفع الناس فيكث فى الارض ) بحاول استغل مواقف او ربما دروس او حتى وقت فاضى واكلم الولاد عن الدين والرسول ورحمة بنا واقربه اكتر ليهم رغم الظلم من الوزارة او من النظرة الاجتماعية الدونية للمعلم الاان الموضوع بجد يستاهل انى اكون معلمة ويكفى ان درس العلم تحفه الملائكة وتستغفر لمن فيه ويكفى ايضا اننا ورثة الانبياء