تخطيط عمراني كلية كويسة جداً .... بس مفيش منها غير في جامعة القاهرة بس ......
- فنون تطبيقية ... دي مبتطلعش مهندس و مفيهاش تخصصات هندسية ... فتخرج برا المقارنة ...
- فنون جميلة عمارة ..... و دي بتطلع مهندس معماري و له كارنيه نقابة المهندسين ..... و بتدرس فيها العمارة بكل تخصصاتها كذلك بتدرس تخطيط و مواد من مدني ... و ممكن تشتغل بعد التخرج : مصمم معماري أو مهندس معماري تنفيذي و ممكن كمان تشتغل مهندس تخطيط .... دي موجود منها في اسكندرية و حلوان و المنيا .... خمس سنين زي تخطيط عمراني بالظبط ...
- اما هندسة فالكلام فيها كتيير ...
بالنسبة للبنت ..... فأعتقد فنون جميلة عمارة احسن ..... لأن معظم الكلية بنات .......
و بما إن القدرات اتلغت من الثانوية العامة ....... فشروط القبول في فنون عمارة انك تمتحني القدرات في الكلية قبل دخولك الكلية و انك تكوني علمي رياضة .... و كمان يكون مجموعك جايب الكلية دي حاجة مفروغ منها ...
و اذا كنا ح نتكلم على مين الأحسن في الكليات دي ..... فمفيش كلية احسن من التانية ....
كل كلية ليها دراستها الخاصة ...... و كل كلية ليها مجالها ......
و ربنا يوفقك ان شاء الله