[follkan]

كرومبو....كرومبو.... مع المفتش كرومبو

الحلقه العاشره

المفكر والأديب العالمى (د.فاكر فاكر) طلبنى وروحتله وقالى وقولتله
(د.فاكر فاكر):روايتى الأخيره والنسخه الوحيده ضاعت ولم يقرأها أحد بعد....... يا أسفاه
(سحس):اوه....ويا ترى راحت فين؟
(د.فاكر فاكر):حد من مساعدينى التلاته بتوعى أخدها يقرأها وللأسف مش فاكر مين هوا انت عارف الزهايمر شقلطلى الطاسه ولما واجهتهم أنكروا كلهم
(سحس):طب لو فاكر الكتاب كان فيه ايه اكتبه تانى
(د.فاكر فاكر):طبعا أكيد مش فاكر دى جت معايا كده...أكيد اللى خده هايكتب عليه اسمه وياخد مكان الجوايز والشهره والأدوار
(كرومبو):ماتقلقش احنا هنتصرف
(د.فاكر فاكر):أقلق من ايه! ........من الحق انتم مين؟
ولما سألت التلاته المساعدين بتوعه قالوا

(شكيزه بدويزا):اه روايته أمونه بعتلها الكباب غيرت مجرى حياتى ومش ممكن أعمل كده أبدا

لما سألت (سعيد أنا قلت):أنا قلت ان (د.فاكر فاكر) استاذى ومثلى الأعلى وأنا قلت انه أهم روائى حلال العلاقه بين الحب والكباب وأنا قلت أنى مأخدتش الكتاب

لما سألت (مختار شهياص):ساكن فى حى السيده وحبيبى ساكن فى الشروق هيا أهم رواياته انما قصة البقاء للأصلع الأخيره ديه ملهاش أى قيمه ومش أنا اللى أخدتها



أنا عرفت مين اللى أخد الكتاب لو انت كمان عرفت اكتب الحل ((( مع السبب )))
وانتظرونى فى الحلقه القادمه
مع تحيات المفتش كرومبو