بوابة الثانوية العامة المصرية - عرض مشاركة واحدة

BaNZeR · #5 13-08-2010, 02:08 AM

اقتباس:

المشاركة الأصلية كتبت بواسطة shimaa2009

بطاقتك الشخصية ( اختيارية ) ! [ اسمك الحقيقي - العمر - المهنه - ..... الخ ]
محمد
19 سنة
طالب كلية هندسة الفرقة الاولى قسم الهندسة الكهربية (بعد الشر عليكو

)

س/ ماذا يعني لك اسمك بالمنتدى ؟
بانزر هو اسم شهرة لا يمثل معنى كمعنى بالنسبالي
ولكني بعتبره اسمي البديل حيث تقريباً كل اصحابي بينادوني بيه
بل إنه احياناً ناس مبتعرفنيش باسمي الحقيقي كمان

س / ما هي هواياتك ؟
بحب العزف جداً وكذلك التصوير جداً
وكنت بحب الرسم
وبألف قصائد صغيرة كده وانا في اعدادي

يعني شويعر زي ما بيقولو

بس حالياً مش مهتم عشان الشعر بتاع دلوقتي مبقتش بعترف بيه

س / ما رأيك بمنتدى الثانويه العامه ؟ وما هي ايجاباته و ما هي سلبياته ؟ وماذا تقترح لو كان لديك اقتراح ؟
منتدى الثانوية العامة هو يعتبر منتداي الاساسي عالنت
وثاني منتدى اسجل فيه بشكل عام
الاول اقتصرت فترة بقائي في على اقل من سنة وتركته بشكل كامل
بس هنا كانت البداية الفعلية كتعاملي كفرد في منتدى ضخم زي الثانوية

اهم ايجابية فيه إني لقيت معظم الناس خاصة اللى كانوا في الادارة قبل ما اوصل انا للاشراف
كانو كلهم في سني
كانت الدفعة اللى لسه متخرجة من ثانوي
ودي ميزة انك تلاقي كتير من سنك وبيتيحلك فرصات اكتر للنقاشات
بس للأسف تقريباً كلهم مشيو والنقاشات الجادة اللى كانت بتتعمل مبقتش موجودة زي زمان

السلبية طبعاً إنه مبقاش في ناس مهتمة زي زمان
والناس اللى اخلصت للمنتدى وتعبت فيه بجد مش حتكون زي الناس اللى جم لقيو كل حاجة جاهزة
فاكيد المنتدى حيتعب كتير لما يستعيد فترة ازدهاره تاني

س/ لديك ثلاثة اختيارات لأفضل ثلاثة اعضاء نشيطين ، فمن ستختار ؟
تسابيح النجوم
أ/رضا عطية (blakblak)
محمد حلمي

دول في نظري من الانشط في الفترة الحالية
لكن في ناس كتير ولو خملت هذه الفترة بس ليها نشاطات كتير لا تغفل طبعاً
ولن تسعني ذاكرتي لتذكرهم

س / لديك وردات 6 وردات فـ لمن ستهديها ؟ ولماذا ؟
حدي الاولى لمستر محسن غريب مشرف قسم الاذكياء
والتانية لاستاذ ممدوح الانصاري
دول ليهم عندي معزة خاصة ولو لم يكن تعاملي معاهم بالمنظر اللى يوحي بذلك
حدي اتنين لطاقم فريقي انا والاذكياء
الدكتورة ريموندا والبشمهندس انج حودش
ودول الاتنين اللى اتشرفت بالتعامل معاهم في مسابقة واحدة
وحدي واحدة لتسابيح النجوم لإنها بالفعل قلم ممتاز ومواضيعها دايماً هادفة
والسادسة ححتفظ بيها لنفسي بقى مش ليا نصيب ولا ايه

س / اختر أعضاء من عندك بأعدادهم و قل لهم كلمة ! [ شكر - مدح - نقد - نصيحة - .... الخ ]
السؤال ده صعب نوعاً ما لإنه حتى اللى اتعاملت معاهم مبقوش موجودين حالياً
ومعظم الشخصيات جديدة عليا ومتعاملتش معاها كتير
واللى فاكرهم مش حفتكرلهم مواقف حالياً

السؤال الأخير / كلمة تحب القائها لـ رئيس المنتدى ..

استاذي الفاضل استاذ ممدوح
هو بالفعل شخصية حكيمة وجديرة بالمنصب ده
وربنا يكون في عونه في انه يكون مسؤول عن منتدى يتعدى اعضائه ال300 الف