ده كله عشان احنا ساكتين و بنتفرج
و خلينا قاعدين مستنيين لما يحنوا علينا بالفتافيت
ده بيقولك 500 جنيه للمتعاقد خلوها 100 جنيه
ده انا فاكر ان فى سنة من السنين فى 2004 بالتحديد فى المحافظة عندينا
قالوا ( مجلس المدينة ) هندى لكل متعاقد 100 جنيه زيادة عن كل شهر فى العام الدراسى
( الكلام ده ما تعملش غير سنتها و بعديها اتلغى )
طبعا الزيادة على ايه ؟ على مرتبنا اللى كان وقتها 120 جنيه و كان بيصفى على 105 بعد الخصومات
قمنا فرحنا بالزيادة .. ههههه ؟؟ و يا فرحة ماتمت خدها الغراب و طار ..
راحو قالوا ان اللى هيغيب يوم واحد من اى شهر مالهوش حاجة و ده امتى بعد ما عدت شهور الفصل الدراسى و كنا اللى غاب يوم و اللى غاب اكتر ..
انا عن نفسى كنت فى كل شهر غايب يوم او اكتر و مافيش غير شهر واحد بس اللى استفدت منه فى الفلوس دى ... بس المصيبة انهم كانو قالوا فى الاول هيدونا 100 جنيه ...
لكن زى ما انتوا عارفين الفلوس نوعين قبل الخصم حاجة و بعد الخصم حاجة .. المهم قبضت الشهر اليتيم ده كام ؟
86 جنيه كاملة
و ربنا على الظالم
__________________
( لا إله إلا الله محمد رسول الله)
|