مصر جميلة
الهوا فيها شكل تاني
كنت راجعه في شهر 7 بعد شهور 3 للبعثة
بمجرد نزولنا المطار حسيت بلفحة هوا دافيء وسخن
عارف بيفكرك بحضن الأم لما يضمك بشدة كأنه بيقولك متبعدش تاني
أو كأنها بتقولك
متنكرش بلدك لو ملقتش فيها اللي بتحلم بيه
****
أنا طبعا مش بأقول فيها شعر
لأني حزينة كتير علي حالنا لما بأقارن بيننا وبين بلاد تانية
أنا مش بأقارن في الماديات
أنا بأقارن في الدين
هم مش مسلمين لكن عايشين بتعاليم الاسلام في العمل
وإحنا ... ربنا يرحمنا