كلمت دلوقتى فرع الاكاديمية ببنى سويف قالوا مفيش جديد و معندناش اى اخبار بخصوص مد فترة تسليم الرخصة الدولية و بعدها قفلوا السكة كالعادة واللى ردت عليا مدام بدرية ربنا يديها الصحة و طولة العمر و يديها ع قد معاملتها الذوق معانا كل ما نتصل
فكلمت ا/ محمد سالم مسئول بقسم الاحصاء بمديرية التربية و التعليم بالمنيا و رد بالاتى :-
مفيش اى فاكس نزل بمد فترة الرخصة الدولية و شهادات الصلاحية خلصت و موجودة ف فرع الاكاديمية الرئيسى بانتظار استلام الوزارة لتلك الشهادات وامضاء الوزير عليها ثم اصداره لقرار التعيين فسألته طيب الوزير منتظر ايه عشان يصدر القرار قالى مش عارف بس هو قالى ان الدرجة التالتة اصبحت فارغة الان بعد صدور حركة الترقيات و ان شاء الله استبشروا خير ع اول الدراسة بانكم تاخدوا الدرجة بس هى مسألة وقت عشان تتم الاجراءات ع خير ان شاء الله
و سألته كمان ايه وضع اللى معاهم مادة فقالى انهم هيتثبتوا بس بعد ما يمتحنوا الماده اللى معاهم
وعموما العهدة على القائل و ربنا يسهل الامور و يكون صادق ف كلامه
|