[نقاء الروح]

موضوع شائك فعلا ،،

كنت بفكر فيه من بداية رمضان ،،

بس سبقتيني بقة ،،

ما علينا ، المهم اتعمل ،،

بس تعرفي ال انتي ذكرتيه ده

حاجة بسيطة اووي ،،

يعني لو ابدأ بالاطفال الاول ،،

يعني اول يومين رمضان لا انا ولا المصليات

عرفنا نصلي ،،

والسبب كل وحدة جايبة عيلين تلاتة ،،

و المشكلة يعيني عليهم صغنونين ،،

و ال يعيط و ال يقطع المصاحف ، استغفر الله

و بمناسبة التقطيع كان فيه طفل و اخته دول اول ما وصلوا للمكان بتاع المصاحف

وكأنهم وقعوا على كنز ،، و هاتك يا تقطيع !!

واحنا مش قادرين نعمل حاجة عشانا فالصلاة ،،

و الكل كان زعلان و بيقول للام خليك فالبيت احسن ،،


نيجي للفئة التانية بتوع الرغي الكتيير ،

دول اول ما الامام يقول السلام عليكم

يلموا بعض و دودود ,,,,,الخ

و ببقى قاعدة و انا عيني هتطلع من مكانها ،،

و اقول هما مش مكفيهم طوول السنة !!

هيكملوا فرمضان و فالمسجد كمان !!

لا حول و لا قوة الا بالله ،،


نيجي بقة للحاجة ال انا مش مصدقها

لحد الان ،،

اتخيلي ان فيه ناس بتبقى جايبة

قطايف ؟! بطاطا ؟! تمر هندي؟!

ومافيش مانع من العرقسوس ،،

و كمان الشيبسي و خلافه بقة من المائدة الكريمة ،،

و ديه تعزم على ديه ،،

وكأني قاعدة فمنتزه او حديقة كدة ،،

و اشوف و ابص !!

وانا حاسة اني فغيبوبة ،،


وفالنهاية


و بتمنى فعلا اننا ناخد بالنا من الحاجات ديه ،

و ربنا يهدينا جميعا ،

و يتقبل منا ومنكم صالح الاعمال ،،

و مرسي عالموضوع المؤسف ،

و سوري عالرغي الكتيير ،،