[أ/رضا عطيه]

إيه اللى دخلك فى الخطوط الحمرا يا أخى وحبيبى أبوبطه
هتوحشنا والله
بس ماتقلقش
أكتر حاجه فى البلد الحلاوه
كل يوم هجيبلك شنطه مليانه
وماتقلقشى برضه لأن يارا هتكون فى الأوده اللى جمبك


إحنا أحسن ناس نتريق على حياتنا
وسؤال برىء يا أبو بطه
هو ولى أمر التلميذه بتاعت موضوع التعبير إياه
خد حقه وحق بنته إزاى
بمكالمه للريس
وهيما العظيمه اللى عمال يسىء للتاريخ والمصرين
خرج من السجن إزاى بتليفون من الريس
هو المشكله مش تليفون الريس
المشكله كلها فى اللى يشوف الغلط ويسكت عليه
وبعد كدا يقولك البلد مليانه فساد
واللى استخدم الواسطه والمحسوبيه حتى فى طابور العيش
وخد قبل غيره يطلع ويقولك البلد مليانه محسوبيه
ومعظم المدرسين نازلين دروس خاصه وحرق فى دم الغلابه
ويطلع يقولك التعليم فاشل
صدقنى إحنا خدناها من الكوره -- اللاعيبه تتنيل فى لعبها
وفى الأخر الحكم هو السبب
إذا أردنا الصلاح فعلينا بإصلاح الكل كبير وصغير
ومفيش فرق بين واسطة فرن العيش وواسطة الدخول للكليات
ومفيش فرق بين فساد الدروس وفساد رجال الأعمال
ورشوة جنيه زى مليون جنيه


ويروح ريس وييجى ريس ماينفع غيرلما كل الشعب يبقى كويس مش النص شغال فى حر الشمس ونص قاعد متيس



ربنا يصلح حالنا ويسويها بفضله ويهدينا جميعا