قطوف دانيه
اهلا بيكى
انا عايز أقولك حاجه
ان بتوع هندسه معروفين على وجه العالم كله بانهم ناس دماغهم شغاله
بتوع الابداع
ربنا يستر ما يحسد المال الا اصحابه
مفيش فرق بين الكليه دى وغيرها
انتى هتكتشفى بعد كده ان هندسه احسن من طب
لان بتوع طب موالهم كبييييييييييييييير
سبع سينين وكمان لازم يحضر عشان يقدر يفتح عياده
وفين وفين اما ياخد الماجستير بتاعته
واما يشتهر بقى مين يعيش
ومعظم البنات مش بيكملو بيتجوزو ويقعدو فى البيت
وصيدله بتبقى حياه ممله
مع كل احترامى لبتوع صيدله
لكن الصيدلانى اخره يبيع العلاج اللى مكتوبله فى الورقه
لا فى ابداع ولا نيله
مجرد حياه وخلاص
بلاش نغلط اصل الناس تزعل
اما طب أسنان الحقيقه انا بحترمها
لانها ميسره
ومكسبها مضمون وسهل
فعلا دول ناس محترمين بس دراستهم صعبه قوى
مش معقد زى كليه الطب
اللى لازم يطلعوا عين الطالب اللى دخل فيها
ويلاقى نفسه طالع اسمه دكتور وبيشتغل فى مستشفى عما تفرج
اما
هندسه دى متعه
موادها عايزه دماغ حلوه
تعتمد على الفهم اكتر من مجرد كلام يتحفظ وخلاص
فيها شغل
ومستقبلها كويس ومضمون
اه بالنسبه للولاد اكتر من البنات مهو الولاد وكلينها والعه وفيها أقسام جامده جدا
اقسام ايه بس بلاش نخدع البنت احنا مش عندنا غير اربع اقسام مظم وكهربه وعماره وتخطيط
يعنى بجد المهندس او المهندسه
بينظرلوا نظره احترام على طول
حتى لو كان مهندس على قده
اه والله بجد
والكلام ده فى العالم كله
المهندسين هم اللى بيشغلوا الشركات والمصانع اللى من غيرها كانت الحياه المدنيه خربت
حتى فى الحروب
دايما المهندس هو اللى بيحرك الجيش وبيكون فى المقدمه
ليييه
لانه معروف انه راجل دماغه عاليه وشغاله ودايما بيتعامل باحترام
وبيعرف يتصرف فى الازمات ويديرها على اكمل وجه
ايه الكلام الجامد ده
عموما دعى ربنا
واللى فى الخير ان شاء الله يقدمهولك ربنا
رغاى قوى ايه ده
ههههههههههه شكل الجيد جدا عمله عمايلها
آسف على الاطاله