اقتباس:
المشاركة الأصلية كتبت بواسطة عـــادل
السلام عليكم وانا بقدم ملفى فى شئون الطلبه كان معلقيين ورقة بخصوص توفير بيع دليل الطالب فكنت عاوز اعرف هل هو خاص بمن القدامى ام الجدد وماهو الذى يقدمه من معلومات ياريت نبذه بسيطة حتى يعرف هل يستحق الشراء ام لا
ثانيا هل تحديد التخصص بيكون من اولى ولا فى تانيه واذا كان من اولى هل بحدده من الان ولا لما تبتدى الدراسه
انا علوم رياضه القاهرة
شكرا
|
بص يا استاذ عادل
انا علوم رياضة القاهرة بس داخلة تانية
اولا الدليل ده هيبقى لازم
تقولى ليه
هقولك فيه معلومات كتير
اهمها مواعيد المواد
تقولى يعنى ايه
اقولك عندنا نظام ساعات معتمتدة
من ضمن الحاجات بتاعة الساعات المعتمدة دى اننا احنا اللى بنعمل الجدول
ازااااى ؟؟
بيتكتبلك يجى 10 مواعيد فى كل مادة و كل معاد ليه رقم مجموعة
انت بقى تظبط المواعيد دى مع بعض و تعملك جدول يناسبك
و حااااااول تعمل يوم اجازة
و فيه حاجة اسمها نظرى و فيه عملى و فيه تدريب
فى العملى اختار اى مجموعة مش مشكلة
اما النظرى متعلق بالتدريب
يعنى لو اخترت مجموعة واحد فى النظرى و تبقى تختار واحد فى التدريب مثلا
غير ان الدليل بيبقى مكتوب فيه مواعيد الامتحانات و كل حاجة
و هقولك ازاى تسجل الجدول فى رد تانى
بالنسبة للتخصص فهو من تانية
و هفهمك نظام الدراسة فى الرد الجاى برده
عشان بس مستعجلة دلوقتى
فى امان الله