بعد ما هتظبط الجدول زى ما قولتلك مع نفسك
هتروح الكلية يوم 18/9 و تاخد اذن الدفع من الشئون
و تطلع تدفع فى الخزنة " ده لو لسة مدفعتش "
و هتروح تاخد بطاقة التسجيل من الشئون
بس غالبا هيقولولك هاتها انت من عالنت
و اهم حاجة تاخد رقم كودك و الرقم السرى
رقم كودك مش مشكلة اى حد يعرفه
لكن الرقم السرى خاص بيك انت لوحدك متعرفهوش لحد
و دى ارشادات التسجيل
http://www.egystu.com/up//view.php?file=f8b82f53ff
***
بالنسبة للمواد بقى
عندك ف التيرم تلات مواد اجبارى و اتنين انت بتختارهم على حسب القسم اللى عايز تدخله
و فيه اربع مواد متطلبات جامعة تاخدهم ف اى تيرم و اى سنة عادى بس يفضل تاخدهم فى اولى
يعنى مادتين ف التيرم
المواد الاجبارى هى كميا و فيزيا و رياضة
بالنسبة للرياضة حاول تسجل فى مجموعة رقم واحد و اللى هى بتكون يوم الاتنين غالبا
عشان دى غالبا اللى بيديها د.محمد زيدان و ده رئيس القسم و من وجهة نظرى احسن المحاضرين
و سكاشنه بتبقى حلوة غالبا بيبقى معاه المعيد محمد عادل و ده بالنسبالى احسن معيد فعلا
و حاول تكلمه تتاكد من المعاد و لو عايز رقمه ابعتلى ابعتهولك
اما الفيزيا السيكشن بالنسبالى اهم كتيير من المحاضرة
حاول حاول حاول تاخد السيكشن من د.عماد و لو عايز رقمه ابعتهولك
بس غالبا مش هتقدر تعرف المعاد قبل ما تسجل الجدول
فحاول تاخد مع المجموعة اللى بتدى فيها د.مرفت هى دى رئيسة قسم الفيزيا
اسال على مكتبها هو موجود فى ملحق قسم الفيزيا
اسال يعنى هو فين الملحق هيقوللك ان شاء الله
اما الكميا فبصراحة كلهم زى بعض الى حد ما
اللى انا ارتاحتله اسمك د.احمد الشريف و معايا رقمه برده
دول المواد الاجبارى بالنسبة للاختيارى بقى
فعلى حسب
انت عايز تدخل قسم اييه ؟؟
يارب اكون افدتك
فى امان الله