اقتباس:
فكنت عاوز استفسر من حضراتكم
ازاي ابقي علمي متأدب ؟ وايه هو العلمي المتأدب ؟ مواده ايه ؟؟
ولو في معاهد خاصة تانيه بتقبل العلمي المتأدب في شعبة علوم الحاسب هيا ايه ؟
|
بص يا سيدى .. انا هاجيبلك نص القرار وبعد كدا اشرحهولك
لطلبة الثانوية العامة شعبة علمى متأدب الحق فى دخول كليات الحاسب وتكنولوجيا المعلومات والهندسة
بالجامعات الخاصة بشرط استيفاء ماينقصهم من المواد المؤهلة للالتحاق وهي ا
لكيمياء والفيزياء والرياضيات2 بهذه الكليات وخلال الفصل الدراسي الأول من عام الالتحاق وبنفس الجامعة الملتحق بهما الطالب علي ألا يزيد ماينقص الطالب من مواد مؤهلة عن
مادة واحدة فقط.
يعنى ايه بقى الكلام دا ؟؟؟
يعنى خلال سنة تانية وتالته ثانوي لازم تكون درست مادتين من التلات مواد دول (كيمياء - فيزياء - رياضة 2)
كمثـــال ..
في سنة تانية انتا هاتدرس .. عربى - انجليش - رياضة 1 - كيمياء - لغة تانية
فى سنة تالته انتا هاتدرس .. عربى - انجليش - فيزياء - تاريخ - اقتصاد واحصاء
فى الحالة دى انتا هايتبقالك مادة انتا مادرستهاش .. اللى هيا رياضة 2
هاتظهر نتيجة الثانوية العامة .. هاتقدم فى اى كلية هندسة او حاسبات فى
جامعة خاصــة
وخلال الترم الاولانى من دراستك في اولى كلية لازم تكون مخلص رياضة 2 اللى انتا ماخدتهاش فى ثانوى
اذن من الآخر .. كل الفرق مابين العلمى والعلمى المتأدب
الآتى :
- العلمى بتدرس فيه مادة علمية واحده في تانية .. ومادتين علميتين فى تالته
- العلمى المتأدب بتدرس فيه مادة علمية واحده فى تانية - ومادة علمية واحده فى تالته
والمادة اللي ناقصالك دى هاتستعيض عنها بمادة من المواد الأدبية ..
وفى نفس الوقت المادة دى هاتترحل لأولى كلية
يارب تكون المعلومة وصلت كويس