[vampire1188]

ومالــه يعنى لما البنت تخرج وتشم هوا ؟!

يا جماعة احنا فى 2010 .. زمن قريـش وابو جهل دا خلاص راح من 1400 سنة

انا فاهم ان صاحب الموضوع يقصد ان منظر جروب البنات فى مكان عام بيبقى غريب شوية وممكن يجيب الكلام

بس انا هاتكلم عن نفسى ..

انا كشاب اتعودت على المشاهد دى اثناء دخولى وخروجى فى جامعتى .. وحتى باقى الجامعات اللى دخلتها

هاتقولولي البنات فى الجامعة غير البنات فى الاماكن العامة ..

هاقولكوا البنات فى الجامعة بيعملوا اللي هما عايزينه داخل الحرم الجامعى احسن من بره الحرم ..

وأى بنت هاتشوف ردى دا عارفه انى كلامى صح ميه في الميه

وبما انى شاب .. احب اقول ان البنات بيأفوروا بطريقة لا تطاق .. سواء فى التصرفات او فى اللبس

طبعا انا مش بجمع كل البنات عشان اكيد اكيد فيه بنات محترمة كتير .. بس فى نفس الوقت انا بشوف بلاوى بتحصل

من اول جامعة القاهرة مرورا بالازهر بارك و سيتي ستارز وجامعة اكتوبر ومودرن اكاديمى ..

هاتستغربوا لو قولتلكوا ان اكتر منطقة محترمة هيا الجامعة الامريكية !!

على كل حال .. انا ماقدرش امنع البنت من انها تخرج من بيتها وتشوف نفسها وتعيش حياتها

بس تحترم نفســـها وتراعى تصرفاتها وقبل دا كله لبســها

عشان انا عارف بردو ان صاحب الموضوع يقصد ان لو البنت خرجت من بيتها هاتتعرض لمعاكسات من الشباب

مع ملاحظة ان في الكام السنة الاخرنيين كلمة معاكسة اتحولت لتحرش !!

بس انا اللي عايز اقوله .. ماينفعش ان بنت تخرج من بيتها متمكيجه اخر حاجة ..

ولابسالى بادى احمر وبنطلون ستريتش و 7 طرح فوق بعض وكل طرحة بلون مختلف عن اللي تحته ..

. وتقولولي لا خليك فى حالك يا شاب منك ليه .. هيا بنت .. هيا حرة وتعمل اللي هيا عايزاه

فخلاصة القول .. انا عمرى مامنع ان اختى تخرج مع صاحباتها .. ولكن مع توافر بعض الشروط :

1- الاحتشام .. مش فى اللبس بس .. ولكن فى المظهر عموما من اول الحجاب لغاية البالارينا

2- ابقى عارف ان صاحباتها دول ناس كويسين .. مش حاجة تانية .. والبنات فاهمين قصدى اكــيد

اذا توافر الشرطين دول .. أظن كدا اتس اوكى

دا مايمنعش برده ان فيه شباب مش محترم بيعاكس اي بنت حتى لو كانت منقبة ..

بس دا مش هايبقى ذنبها .. وبالتالى اذا اتعاكست انا ماقدرش الوم البنت

طبعاً انا عارف ان اي بنت هاتقرا ردى هاتتحمق وتقول انتا مش فاهم حاجة ..

بس ماعلينا انتوا طرحتوا موضوع معين وانا بقول رأيى .. وكل واحد حر فى رأيه طالما دا مابيجرحش الآخرين