الله يرحمك ياسبت
في كل بلكونة في البيت كان السبت المتعلق ع الحيط
أنزله يرجع بالفول وعمره يوم مادلقلي الزيت
أنزله يرجع جرنال وأنزله يرجع بالعيش
وأنزله يرجع قمصان في وسطهم أفرول الجيش
وأنزله يرجع إنسان وأنزله يرجع نسمة
وطفل لسه مش طايل سور الكورنيش
وأنزله يرجع أفراح يوم النتيجة وشهادة نجاح
وأنزله يرجع جوابات وأنزله يرجع حكايات
دقة قلبي أول مرة قلت انا حبيت
وأنزله يرجع احلام وأنزله يرجع أيام
دلوقتي بنزل أنا والسبت والبيت .... ونرجع ايد ورا وايد قدام
لا فرح معانا .... ولاحتي ابرة وخيط
... علي سلامة ...
اسمع علي سلامة علي اليوتيوب
__________________
الكثير من الفاشلين في الحياة هم أناس لم يدركوا كم كانوا قريبين من النجاح عندما قرروا الاستسلام عن موقع الأستاذ / عمرو خالد أفضل الطرق التي تجعلك تتنبأ بمستقبلك هو أن تصنعه بنفسك ستيفن كوفي قيمة الانسان هي مايضيفه الي الحياة بين ميلاده وموته د/مصطفي محمود
|