[ميراج]

المشاركة الأصلية كتبت بواسطة vampire1188

ماهو على حسب انتى جامعة ايه

لو القاهرة العملية بسيطة جدا .. هاتروحى لشئون الطلبة بتاعة الفرقة اللي انتى هاروحيلها

يعنى لو انتى في اولي ورايحة تانية يبقى تروحى لشئون تانية مش أولى

وتروحى لشئون تانية انتساب مش انتظام

وتقوليلهم عايزة احول من انتساب لانتظام .. هاتديكي اذن دفعة بـ 5 جنيه

هاتروحى تدفعيهم في الخزنة وهاترجعى تانى

هاتديكي ورقة وقلم وتقولك اكتبى طلب تحويل بإسم طلب الكلية

هاتقوليلي اكتبه ازاي دا .. هاقولك العملية بسيطة

السيد الأستاذ الدكتور / وكيل كلية التجارة - جامعة القاهرة

الرجاء التكرم بالموافقة على طلبى بتحويل قيدى من انتساب موجه إلى انتظام ، حيث أننى حصلت على تقدير عام (شوفى تقديرك ايه) فى العام الدراسى 2009/2010 .. علماً بأننى منقولة إلى الفرقة (وشوفى انتى رايحة الفرقة الكام) .. ولكم جزيل الشكر
مقدمه لسيادتكم / (اســمك بالكامل)

بس وهاتدي الورقة لموظف الشئون .. هايقوم مدبسهالك فى الورقتين بتوع الدفع بتاع الخزنة

وخلاص كدا .. تعالى بقى على اول السنة كداباسبوعين روحى للشئون تانى (شئون انتظام)

واتأكدى ان اسمك اتنقل من انتساب لانتظام .. وخلاص كدا

الموضوع طلع كبير اوى
انا كنت مفكره الحكايه ابسط من كده بكتير