[shimaa2009]

الغلاسه في الشعب المصري


بجد الشعب المصري ده عثل ودمه خفيف ومتفوق في كل المجالات حتي في الغلاسه

والغلاسه دي نقدر نجمعهم في كام نقطه نبدا بــــــــــــ




1) ابو العريف
من طبيعه اي مواطن مصري انك تلاقيه في اي حته واي حاجه يحسسك انه ابو العريف
يعني خد عندك مثلا لو ستات قاعدين في عياده تلاقي كل واحده تقعد تشتكي وتقول
والله يا ختي دانا من يوم ماتجوزت وانا حالي في النازل والرجل مش راحم ولا مقدر

واللي تاعبني يا اوختي اني كل ما اعطش اشرب !!!!!! ودي حاجه قلقاني اوي ودخت علي الدكاتره ومفيش فايده
متعرفيش يا ضنايا ايه الحل
وتلاقي الحاجه سكينه طالعه من النص كده وتقوللها ولا تقلقي نفثك خااااااااااااالث عندي الحل بتاعك

انتي قبل متنامي تجيبي حبه ميه مبلولين وحبه ناشفين
وتحطي عليهم بودره العفريت وتجيبي عرف ديك يتيم وتطحنيه
بس تكون امه ميته من انلفونزا الديوك اااااااااااااه انا بقولك اهه

وبعدين تشربيهم لجوزك قبل الاكل وكل سنه وانتي طيبيه والله يرحمه وشوفي حالك بقي








2) العتاقه
يعني الاصاله او حب الاحتفاظ بالاشياء القديمه
مين مننا مش محتفظ باي حاجه قديمه عنده
تلاقي ماما مثلا اي برطمان مربي تلاقيها عايناه في المطبخ ( واهوا يبنفع نحط فيه اي حاجه )
او انا محتفظه بورق امتحاناتي بتاع الابتدائي كله وشهادات النجاح وهدايا اصحابي ليا من واحنا صغيرين


و هكذا
واكيد هتلاقوا حاجه عندكم محتفظين بيها من زمان




3 ) سيمفونيه الصداع

تلاقي وانت مروح من الكليه او اي مشوار في المواصلات
السواقين بيعزفوا احلي سيمفونيه لبيتهوفن
تقولش رافعين شعار صدعني بكلاكسك ... شكرا



4)عقده الخواجه

تلاقي الواحد ماشي يدور علي الماركات
ولما تلاقي التكت مكتوب عليه made in egypt اكنك قلتله هذا البتاع فيه سم قاتل اتركه وارحل والا هنديك بال...........

والا اما نكون في رحله واحنا في الابتدائي
كنا نجري علي اي سايح ماشي
وهي كلمه حافظينها وبنقولها have aphoto
ولو شفت واحد مصري تتقنعر عليه ولا اكنك تعرفه

والا الولاد كانوا بيجرو وراهم و give me one dollar
دايما كده كاسفيننا