[مغترب وبس]

موضوع حول اوي يا اسلام
والمشكلة والمحزنة انو حقيقي وواقعي بغباء فعلا كتير اوي من الولاد بيعاكسو وانا الصراحة انا حاولت ادور على الاسباب لكده بعيد عن ان ده ضعف في الايمان وانو ميعرفش عقوبة كده شرعا او يعرف ومستهتر
فاعتقد ان ده اسبابو ان ان الولد الي بيعاكس ده حاسس ان عندو نقص عاوز يعوضو بالمعاكسة وياسلام لو المعاكسة نفعت والبنت وافقت هيحس انو معندوش نقص ولا حاجة وعشان كده بتلاقيه بيفتخر بانو " علق البنت الفلانية "
في منهم لا بيكون معندوش حاجة بس شايف صحابو " السوء" طبعا بيعملو كده يقول اشمعنى انا ومن هنا تبدأ عقدة النقص هما احسن مني في ايه طب هما البنات بيمشو معاهم وانا لا ليه >>>>>>>> هيبتدي يعاكس لحد ما يعلق واحدة ويفتخر بيها .

بالنسبة للبنت بقة الي بتعاكس فدي بردو حقيقة واقعية مخزية ومؤسفة وحصلتلي اكتر من مرة للاسف فانا بيتهيألي ان البنت دي يا اما مفيش اخلاق اساسا يا اما عندها نفس العقدة بتاعت اخينا وعاوزة تبين لصاحبتها جاذبيتها
وانها تقدر توقع الولد بكلمة منها او بغمزة او نظرة .. الخ

بالنسبة للبنت الي بتحب تتعاكس فدي عندها عقدة انها عاوزة تثبت لنفسها ولصحابها انها كبرت وان الولاد بيبصولها وبيعاكسوها عشان حلاوتها وجاذبيتها وتلاقيها فرحانة وكل ما كترت المعاكسة كل ما هطير من الفرحة
بس للاسف كنت قريت في الجريدة الاهرام من حوالي شهر عن واحدة زي الاخت دي واخرتها ما قعدت تبين انها مبسوطة من المعاكسة >>>>> فقدت غشاء بكارتها بالرغم عنها في منتصف الشارع وكان عمرها 14 سنة
كل ده ليه عشان حبت تثبت لنفسها انها كبيرة

وفي الاخر مش هقول الا انا لله وانا اليه راجعون
ومن جد وجد ومن زرع حصد
نصيحة اخيرة للشباب بجد اي حاجة هتعملها لاي واحدة هتتعمل في امك او اختك او مراتك ( يا قبل ما تتجوزها يكون حصلها كده او بعد ما تتجوزها ) او في بنتك
وجزاك الله خير يا اسلام بجد موضوع مؤسف ومحزن جدا