اقتباس:
المشاركة الأصلية كتبت بواسطة أ/ سعيد موسى
هو كل واحد يحدث له مشكله خاصة يقول ذنبى انى دخلت الازهر !!!!!!!!!!! لو هو فى العام كان بال90% يدخل هندسه !!!!!!
ياساده الذى يدخل الازهر فهو شرف وفضل له وليس للازهر ولله الامر من قبل ومن بعد
|
حضرتك احنا مش عندنا مشكل خاصه
ع سبيل المثال انا كنت عام وداخل 2اعدادى ضيعت سنه من عمرى علشان الازهر ورجعت اولى ع
وكنت بطلع الاول مقصرتش خالص وحاربت الغش وعملت كل الى عليا وحليت الامتحانات وراجعت النماذج ومع مدرسين ومخدتش حقى 88ف الميه لمفروض اجيب 97ف لميه حضرتك مكن تقلى فين درجاتى؟!
قلنا نعمل اعاده تصحيح رحت ويريتنى ماشفت ورقى بصراحه نفسيتى تعبانه خالص الازهر دمرنى ودمر زملاتى الى حضرتك شايفهم دول يمكن احنا منعرفش بعضنا بس حسين بمشاكل بعض
لما ادخل اشوف ورقى الاقى السؤال متصحح كله صح وناقص 5 درجات و12 درجه و8 ف كل ماده
تقدر حضرتك تفسرلى
حضرتك انا واثق جدا من كلامى مش انا بس اغلب الطلبه دول
الازهر دا كان زمان
العام فيه كل حاجه تقدر حضرتك تقلى كام حاله غش استجلت ف التربيه والتعليم طبعا مش كتير
اما الازهر فلا حصر
لييييييييييييييييييييييييه ؟!
دا بمزاجهم ع فكره تقدر حضرتك تقلى طالب ميعرفش المنهج يدخل الدور الثانى يحل كله بالمدرسين دا ازهر؟!
تقدر حضرتك تقلى لما معهد يبقى منوع اللمس بعد نص ساعه الاجابات رئيس المنطقه متظبط اى شكوى لشيخ الازهر متدخلش دا ازهر؟؟؟!
تقدر تقلى حضرتك لما طالب او طالبه يمنع الغش يتهزأ ويبقى حرام عليه دا ازهر ؟!
تقدر حضرتك تقلى لما حد يقوم يهدد انه هيشتكى انه ف غش ممكن يطرد ن اللجنه دا ازهر ؟!
تقدر حضرتك تقلى ايه معنى ان معهد كل يوم فيه مستشارين وبلاوى وزى النار ومعهد تانى كل طالب داخل اللجنه باستاذ الدرس وكمان يتاكد من المزكرات دا ازهر؟!
تقدر حضرتك تقلى ايه معنى ان مراقب يسيب لجنته ويطلع بره والطلبه براحته دا ازهر؟!
تقدر حضرتك تقلى لما طالبه تكون جايبه 94 ف الميه تروح الكنترول تخليها 98 ف الميه بالفلوس والرشاوى يبقى دا ازهر ؟!
تقدر حضرتك تقلى لما لجنه تروح عليها فاكسات كتير جدا ولا تحصل لها حاجه وهما كل يوم بيشتروا الامتحان يبقى دا ازهر؟!
ولما تكون رايح تصحح وتلاقى واحده داخله بكتاب ف مكان وكتبت ف ورقتها ف الكنترول يبقى دا ازهر؟!
كل دا حضرتك حصل معايا انا والله ما بكذب او بالف كل دا حصل بجد انا دا تاعبنى تاعبى بجد
انا تعبت كتير وزاكرت وسهرت واحلامى اتحطمت بسبب ناس معندهمش ضمير
ولسه كتير كتير اوى انا لو قلت لحضرتك انى خلاص اتحطمت من الى شفته
انا حولت علشان احفظ قرآن علشان كنت فاكرهم ملايكه اكيد مفيش ملايكه الايام دى بس افتكرتهم احسن من غيرهم بس حياتى ادمرت بسبب الازهر ببكى بدل الدموع دم
عارف حضرتك لولا انى عارف ان لانتحار حرام كنت انتحرت الى حصل معايا دا دمرنى خالص
فياريت حضرتك متهمناش اننا بنتحامل ع الازهر لانه هو الى حطمنا او بالاصح الى فيه حطمونا
متنتظرش من حد انه يحب او يوصف ف حاجه دمرته حضرتك مشفتش حاله اهلنا ايه علشان تحكم علينا اننا بنتهم الازهر ومتحاملين عليه
بالنسبه لموضوع شرف وكدا
حضرتك انا قلتلك الى شفته والى حصل معايا
عارف حضرتك لو حاجه من دول حصلت ف العام وبعت فاكس للوزير كانت الدنيا اتقلبت انا مجرب واحده هنا اتظلمت وكتبت فاكس والله نتيجتها اتغيرت خالص
لكن الازهر طبعا لا
بالنسبه الى يجيب 90 ف العام الكل بيقول دا امتياز المشكله مش ف المواد الى الكل بيقارن بيها المشكله ان لجانها مفهاش صوت ولا حتى همس مش كتب وسماعات ومدرسين يحلوا
انا ليا واحده قريبتى كانت ترجع كل يوم من امتحان الازهر تبكى وتقول مجهودى ضاع اللجنه دوشه ومش عارفا تعمل حاجه لان الناس بتغش تبعت فاكسات وشكاوى ولا حد بيعبر حد
بجد انا مش عارف اقول لحضرتك ايه ولا ايه
يمكن كلامى كله يتحذف
بس والله انا ما قلتش غير الحقيقه والى حصل معايا
لو كان الحق يزعل يبقى اكيد هتبقى حاجه تدعو للاكتئاب اكتر والتعب اكتر
وان الواحد يتمنى يموت وميعش ف الزمن دا لحظه
فانا اسف آسف جدا ....بس الى حصل معايا مش شويه ...ياريت حضراتكم تعذرونى
واسف ع الاطاله بس انا محستش والله حتى كتبت قد ايه
__________________
قال تعالى :(مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا)صدق الله العظيم
|