[سرى جدااا]

المشاركة الأصلية كتبت بواسطة the coder

لا طيعاً
انا سعيد اني بحاول معاكي اني الاقي حل للمشكلة دي
ان اقعدت افكر في شوية افكار وكل اما اوصل لفكرة هاقولهالك يمكن تساعدك
هل جربتي تتفقي مع والدك انه يحرم اخوكي من المصروف طالما هو مش بيصلي
يعني الفرض اللي يفوته بحرمان يوم كامل من المصروف
عارف؟؟؟؟؟؟؟؟؟
بجد فكره خطيره جدا جدا
انا عجبتنى جدا الفكره دى اوووووووووووووى وهنفذها على طوووووووووول
بجد راااااااااااااائعه
انا مجتش فى بالى الفكره دى خالص لانى كنت باعده بابا تماما عن الفكره دى ومش حاطاه فى دماغى خالص لانى استحاله كنت هقوله مباشرة كده
بجد ربنا يخليك ويا رب تتم على خير يا رب يا رب يارب
اما عن الطريقة فدي ممكن تكون الي حد ما سهلة
"ازيك يا بابا عامل ايه
كل سنة و انتا طيب
ينفع كده يا بابا
الواد اخويا من ساعت ما رمضان بدأ لا شفته بيصلي ولا بيركعله ركعة ولا لمس المصحف من ساعت ما رمضان بدأ
يرضيك كده يا حاج؟؟
ماتيجي نفكر نعمل حاجة في المشكلة دي كده يعني
ده برضه مهماً كان ابنك ولازم نشوف مصلحته
اه ماشى سهله دى عادى ممكن اقوله عادى
حلوه اوى اوى
بس السنه اللى فاتت بابا اداله اشترى لبس كتيييير والموبايل اللى كان عايزه بشرط انه يلتزم فالتزم شويه ورجع تانى
بس انا باذن الله هحاول جامد اوووووى فى الفكره دى انها تنجح
"
و اتفقي معاه علي كده
اما بالنسبة لوالدتك
طالما الفكرة عجبتك
يبقي انتي تيجي وقت الاذان تشدي الفيشة بتاعت التلفزيون و تقولي هانطفيه لغاية الادان ما يخلص او سيبيها لغاية اقرب فاصل ولا حاجة
و قوليلها "يلا بقي نقوم نصلي كده زي الحلوين اللي بيحبوا ربنا"
اه شوية دلع كده ممكن يجيبوا نتيجة
انا خايف اقولك حاجة تروحي تجربيها الدنيا تخرب علي دماغك
ههههههههههه
لأ متخافش ربنا مش بيتخلى عنى ابدا الحمد لله مع ان الفكره بتاعة ماما دى ما افتكرش هتجيب نتيجه بس هحاول اجرب مش هخسر حاجه
لكن بحاول قدر الامكان اني اساعد
جزاك الله خيرا
في فكرة تانية بالنسبة لاخوكي
لكن مش ضامن نجاحها و مش متأكد من صلاحيتها
لو تعرفي اي واحدة من صاحبات اخوكي اللي بيقدرهم و بيعزهم تقدري تصاحبيها و تبقوا حبايب بعد كده تحاولي تأثري عليها علشان تخلي اخوكي يبقي كويس و منتظم
اظن ان دي هايكون تأثيرها مؤثر اوي برضه
ها..ممكن اسمع تعليقك؟

حلوه برده الفكره التانيه دى وتقريبا انا عملت حاجه زى كده
هو مش كان راضى يعملى ايميل ابدا وبعدين انا كنت عايزه اكلم خالتى فى بلد بره ع النت
قالى اتكلمى من ايميلى وفى يوم لقيت واحده بتتكلم معايا على انى انا هو الباشا
وبتدلع بطريقه غريبه وبتدلعه فى اسمه وكدا يعنى
فبعدين انا قلتلها انا اخته مش الباشا
وحسستها ان دى حاجه عاديه وصاحبتها واتعرفت عليها وبعد ما خدت عليا شويه قلتلها هو انتى ليه بتكلمى ولاد ع الشات انتى ما تعرفيش ان ذنوب السر عاقبتها وحشه اوى
راحت شايله الاضافه بتاعة الايميل وما رجعتش تتكلم تانى معاه ابدا
يعنى ما كانش ليها اثر عليه هو
بس ممكن احاول فيها برضه
بجد انا مش عارفه اشكركم ازاى انكم تعبانين معايا كده
والله لو الموضوع ده تم والله ربنا يجعله فى ميزان حسناتكم
بس دعواتكم معايا بالله عليكم