اقتباس:
|
وكنت عاوز اعرف ايه نظامها في سوق العمل وهل هيا بتقدم فرص عمل بعد التخرج ؟
|
حكاية سوق العمل دى اعذرنى يعنى بلاش تسأل فيها لان دا نصيب من عند ربنا
انتا ممكن يبقى سوق العمل نايم ومافيش شغل اصلا
وربنا يرزقك بشغلانه محترمة فى شركة محترمة بمرتب محترم
غير كدا خد بالك ان الموضوع برده متعلق بيك وبتقديراتك وبخبرتك وبشهاداتك
اوعى تفتكر ان شهادة الكلية مهما كانت هيا كلية ايه تبقى كفاية (حتى لو كان طب !!)
لازم تاخد كورسات جانبيه وتنمى نفسك ويبقالك مشاريع عشان لما تروح تقدم فى شغل معين
تبقى مركز فى فيلد معين ويبقى معاك خبرة فى الفيلد دا
وطبعا انتا عايز تخش علوم حاسب ودى ماشاء الله مجالها مفتوح جدا ..
بس قبل ماتسأل سوق العمل ايه نظامه اسأل نفسك الاول
انا ايه الميزة اللى تخلينى اتميز بيها عن غيرى فى السوق دا .. وساعتها ربنا هايفتح عليك
اقتباس:
|
ونظام الدراسه فيها كويس ؟
|
ماكدبش عليك .. ماعنديش فكرة للأسف .. لو عندى كنت قولتلك بس انا مابحبش افتى
اقتباس:
|
و هل بتدي شهادة رسمية في برامج المالتي ميديا زي اكاديمية النقل البحري
|
ماعتقدش .. وحتى لو أدت بتبقى شهادات لوكال مش ذات أهمية قصوى يعنى
بس فى بعض الجامعات بيدوا تسهيلات للحصول على الشهادات التقيلة امثال CCNA و الـ Oracle والحاجات دى
التسهيلات بتبقى فى صورة خصومات ..
والخصومات بتبقى من خلال اتفاقيات بتعملها الجامعة او الاكاديمية نفسها
مع الشركة اللى بتقدم الشهادة دى او مع مركز بيبقى سابورت للشهادة دى
وبعدين برده خد بالك من نقطة مهمة
الشهادات اللى انتا حاطتها فى الكومينت بتاعك
دى شكلها كدا حاجة جانبية مش فى مضمون الدراسة نفسه
بمعنى آخر .. كمثال يعنى
حاجة زي الجامعة الامريكية .. طلبة الجامعة نفسهم بيدرسوا تبع جامعتهم
وفى نفس الوقت ممكن يدرسوا فى البرامج اللي بتقدمها الجامعة لكل الناس
من خلال مركز التعليم المستمر CASE
حاجة برده زى فى نفس الجامعة تلاقى طلبة اعلام بيدرسوا في الكلية عادى ..
وبجانب دراستهم بيدرسوا فى أدهم سنتر وبياخدوا شهادات منه وبإسم الجامعة برده
كذلك برده فى جامعة القاهرة تلاقي مراكز زى خدمة المجتمع
ومركز البحوث التجارية ومركز البحوث الاحصائية
كل دول تلاقيهم بيعملوا برامج وكورسات لكل الناس ..
وفى نفس الوقت برده طلبة الجامعة نفسهم يقدروا ياخدوا الكورسات دى
وبتبقى باسم الجامعة وباسم المركز ..