السلام عليكم
ازى حضرتك يا استاذ عبد الله
اخبارك اية
يارب تكون تمام
بخصوص موضوع حضرتك فأكيد وجهة نظرك جميلة وتستحق كل احترام وتقدير وانا متفق مع حضرتك فى جزء منها واختلف مع حضرتك فى جزء اخر
اولاً الاختلاف
والسبب فى كدة ان اى موضوع فى الدنيا انا ممكن اتكلم فيه من منطلق دينى !
اذاً من الواجب انى احذفة نتيجة لاراء العلماء !
واى موضوع فى الدنيا ممكن اتكلم فية من منطلق سياسى
اذاص من الواجب انى احذفة نتيجة لقوانين المنتدى !
واى موضوع فى الدنيا ممكن اتكلم فية من منطلق اجتماعى
اذاً من الواجب انى انقلة من القسم العام لقسم اجتماعيات !
وهكذا وهكذا
يبقى لو عملنا كدة فى كل المواضيع هنلاقى القسم العام
عدد المواضيع صفر
عدد المشاركات صفر
ثانياً الاتفاق
اننا فعلاً مينفعش نخلى اى حد يعقب على اى كلام شيخ من الشيوخ
او اى سياسة او اى حاجة مخالفة للقوانين والاداب العامة
وفى نفس الوقت نسمح بوجود كل المواضيع دى عادى جداً بشرط ننفذ القوانين
ممنوع التعقيب على اى فتوى او اى شيخ او نقدها بأى شكل من الاشكال
ممنوع التدخل فى اى مواضيع سياسية بدون مصادر رسمية
ممنوع تحويل الموضوع من موضوع نقاشى عام الى موضوع دينى بحت
ممنوع الدخول فى اى جدال دينى او سياسى او اجتماعى
فى حالة الحديث عن اى كلام دينى او سياسى يجب ان يكون الكلام مدعوم بمصادر رسمية
كدة يعنى شوية قوانين زى دى هنلاقى ان الدنيا بقيت تمام
فاهمنى حضرتك ؟