[الشاعر/محمد علي]

من زحمة الأشواق على صَدرَك
مابقيتش تِضحَك
مَخنوقة أَنفاسَك
ونِفسَهَا ترتاح
لو بس أعرف آخرة الأشعار
ونومَك فُوق جِناح الليل بِتِحلَم بالصَّبَاح
لو بس أفهم مرَّه فى لُغَة العيون
يا حِلمَك المجنون
مستنى إيه؟؟
وإيه آخر انتظارك؟
وإيه اللى رماك؟
عيون سارقاك وساحرة العمر كله زى طيف

إوعاك تِخاف إنك تقول كل اللى حاسُه فى البِعاد
وغُناك بتستنى اللُقى
فاكر عينيها مصدقة؟!
فاكر وعودها ليك وعود!
دا الحلم مات فِ الشرنقة
إصحى بقى
شايف غُناك موال مِضفَّر
تِزرَع الأيام فِ أرضَك حلم أخضر
تِرجع اللهفة تِكسر فِ العيدان
والتقى الشوق بيكبر