اخت هنادى عدية مقبولة بس دى مش كوارع دى عظام الكوارع عندنا غير
ليها شوربة وصلصة و تحمير وفيلم كبير لما تاكليها تشبعى صدقينى دى اغلى من اللحم
وعلى فكرة الكوارع عندنا بيكلوها الرجالة الرجالة بس انصاف الرجالة لا يعنى لما يكون فيه نصف راجل نقوله استرجل واشرب بريـ....
اقصد استرجل وكل كوارع
وانا هاوريلك الكوارع المصرية صانعة الرجال بتتعمل ازاى مع العلم ليها فايدة فى المفاصل كبيرة و...... المهم
ده شكل الكوارع مقطعه ولسه مغسولةوبصراحه انا بجبها نظيفه جاهزة
بغسلها بدقيق وملح للاحتياط
بضع التوابل التاليه
2عود قرفه(دارسين)
ورق لورا
قرنفل(مسمار)
فلفل اسود
ملح
جنزبيل ناعم رشه خفيفه
بصله مقطعه اربعه
الطريقه
نضع الحله على نار بداخلها ماء الغليان وبعدين نضيف الكوارع اوالمقادم مع كل التوابل السابقه
تترك على النار حوالى من ساعتين الى ثلاثه ساعات حسب الحجم
تعالو نجهز الفته
انا بحمص العيش البلدى المقطع مع ملعقه سمنه بلدى و2 فص ثوم مهروس تتحمص اما على النار او فى الفرن
الصلصه -الطريقه بالضبط
نسخن الطاسه ونضع فيها ملعقه سمنه وبعدين الثوم مع رشه خفيفه كسبره ناعمه
حتى يحمر الثوم وبعدين نضيف 2 ملعقه خل وبعده كده نضيف الطماطم المعصورهحوالى حبتين
حتى تتسبك
ناخد 2 ملعقه من الصلصه نضفها على العيش المحمص ونقلبها وبعدين نضيف شوربه الكوارع
نغطيها ونتركها جانبا لمده بسيطه حتى يتشرب العيش من الشربه
ونغطى طبق الفته بالارز الابيض
وباقى الصلصه مع شويه شوربه(كبشه فقط)نغليها مع بعض ونضفها فوق الارز
الكوارع طبعاكده استوت كويس علشان تكون لذيذه نطلعها من الشوربه ونصفيها وبعدين نحمرها
فى 2 ملعقه سمنه بلدى
وده شكلها النهااائى يا رب تعجبكم
و فيه كمان وصفة الممبار والكرشة والكلاوى والمخ والطحال
وزى ماقلتلك ياهنادى دى اكلات للرجالة مش انصاف الرجال
اه على طعمها والجلى اللى فيها ولا القراقيش ياخرابى انا ممكن ادمر 10 كوارع فى اكلة واحدة ولا المبار يااااابوىا عليه