السلام عليكم و رحمة الله و بركاته
الموضوع عنوانه غريب
ازاي نبطل ناكل او نشرب ؟؟
دي فكرة جالتلي من كام يوم و كان نفسي اعملها في موضوع
طيب ايه الفكرة بقي؟؟
تيجو نبطل ناكل؟؟ تيجي نبطل نشرب؟؟
خالص لفترة كبيرة يا تري ايه اللي هايحصل؟
الاجابة المنطقية البسيطة اني هاموت و هاشبع موت
طيب هاموت ازاي؟؟
يادوب يومين او تلات ايام و هاموت من الجوع
طيب لو قلتلك تيجي نبطل نتكلم؟؟
الناس هاترتاح من صوتي و صوتك و الدنيا هاتبقي هادية و قشطة
يا جماعة
البني ادم لو بطل ياكل و يشرب هايموت بعد فترة من الزمان
ممكن تكون يومين و ممكن يتكون اكتر او اقل
لكن لو بطلنا كلام
يبقي احنا موتنا نفسنا في ساعتها!!!
مينفعش الانسان يعيش من غير صوته
من غير رأيه
هايكون انسان ميت
محدش يقدره ولا يعمله حساب
الموضوع مش بسيط
الموضوع اني لازم اتكلم
لازم اقول رأيي
لازم اتكلم لو شفت حاجة غلط
لازم اتكلم لو حد ناقشني
لازم اتكلم لو حد طلب رأيي
لازم اتكلم علشان اعيش