اقتباس:
المشاركة الأصلية كتبت بواسطة هانى كامل3
لحد ما اشتكى ويردو على شكواى السنه هتعدى
|
لا ياباشا
انا بعت شكوى للوزير بعدها بيوم او اتنين كان بعتلهم وقلهم ردوا على وردوا فعلا
صدقنى بيتابع جدا جدا جدا
انت اعمل بس اللى قلتلك عليه
ابعت فاكسات للوزير وايميلات كتير ده الفاكس بجنيه اشتغله صبحه ومسيه
واكتبه طبعا قانونى يعنى تقول ده ضد اللائحة انا الاقدم تعيينا مثلا وفيه فلان وفلان وتقول اسماء ياباشا
صدقنى هيتوقف وتبعت للمحافظ كمان وتبعت للتنظيم والادارة لغوه خير وبركة
مرضوش يلغوه على النيابة الادارية وقدم الشكوى فيهم صدقنى هيتنفخوا وهيتلغى قرار النقل غصب عنهم
وعاوز اقولك على حاجة لو خدوا جزاء ومرضوش يرجعوك ارفع عليهم دعوى تعويض للانهم عملوا خطا ادارى سبب لك ضرر وهو النقل واطلب تعويض هتربيهم بجد وهيطلبوا الصلح معاك
اسمع كلامى افتح الشباك وعلى صوتك وسمع شكواك والله بيخافوا من ذكى بدر
روح بس واعمل اللى قولتلك عليه واى استفسار انا جاهز اصل اخوك شاطر فى المواضيع دى وياما شاف
وعلى فكرة انت ممكن تعمل قضية فيها شق مستعجل تطلب وقف التنفيذ وياريت تقدم فيها تقاريرك لو ممتازة طبعا او اى تقدير حصلت عليه
لكن انا شايف انك تشتكى وقفوا النقل خير وبركة موقفوهوش على النيابة الادارية ثم دعوى تعويض
وفقك الله