اقتباس:
المشاركة الأصلية كتبت بواسطة mrabdelhady
يمكن يا دكتورة فى حاجات بتتفرض على الواحد مبيحبهاش بس لازم يتأقلم عليها اهم حاجه المنفعه المستقبليه طول العمر. ليه واحد زميلى دكتور بيطرى فاتح صيدليه ومعاه توكيل دواء معين وبسم الله ما شاء الله وليه واحد خريج علوم كيمياء دايخ على عيادات الاطباء كمندوب للادويه .النقاش لا يفسد للود قضيه بس ندى هىاللى تقرر
|
كلام حضرتك كان والدى دايمًا بيحاول يقنعني بيه ، وكان بيقولى لو أي كلية أنا حاباها بس ملهاش مستقبل تبقى ايه الفايدة ؟ ولو حاجة ليها مستقبل وكويسة ودي قسمة ربنا يبقى أتأقلم معاها وأحبها
بس يمكن حضرتك بتقول كده وبابا بيقول كده عن تجربة ف الحياة
بس احنا شايفين اللى بنحبه وخلاص مش شايفين غيرو
ده أنا من وأنا صغيرة بحلم بطب المنصورة وبس مش عارفة ليه بس هوة وبس
وأول ما شفت إن الحد الأدنى بتاعوا مش جايب مجموعي أنا انهرت وقعدت اعيط
بس بعدين حمدت ربنا إن جالى طب أصلا بعد ما شفت النسب السنة دي مرتفعه ازاي
وإن زميلاتى مجلهمش أصلا الكلية اللى عايزنها بغض النظر عن الجامعه
وكمان ملناش مستوى رفيع طب ليه عملوا فينا كده ؟
وبالنسبة للشهادات الفنية أنا والله مش عارفة ايه النظام بالنسبة ليها ، وألف مبروك لحضرتك الهندسة وإن شاء الله سنة وتحول ، والتوفيـــــــــــــــق للجميع يارب
واستخري يا ندى وربنا يهديك للخير ليكِ ولينا يارب
شكرًا جدا على النقاش المثمر ده